I am so happy, my dear friend, so absorbed in the exquisite sense of mere tranquil existence, that I neglect my talents. I should be incapable of drawing a single stroke at the present moment
Related Articles
BJP ने खरंच Manmohan Singh यांचा अपमान केला?
Spread the loveराजघाट नाहीतर निगमबोध घाटावर भारताचे माजी पंतप्रधान, अर्थतज्ज्ञ डॉक्टर मनमोहन सिंग यांच्या निधनानंतर त्यांचे अंत्य संस्कार करण्यात आल्याने अंत्य संस्कारां वेळी भाजप सरकारकडून त्यांचा अपमान करण्यात आला असे आरोप होत असताना डॉक्टर मनमोहन सिंग यांना राजघाट का नाकारण्यात आला असा सवाल देखील उपस्थित केला जात आहे. म्हणूनच भाजप सरकारने खरंच डॉक्टर मनमोहन सिंग यांचा अपमान केला का? सरकारच्या कोणत्या कृत्यांमुळे त्यांचा अपमान झाला? आणि यावर भाजपा व काँग्रेसने नेमकी कोणती भूमीका घेतली आहे तेच जाणून घेऊयात अर्थतज्ज्ञ व २००४ ते २०१४ पर्यंत भारताचे पंतप्रधान राहिलेले डॉ. मनमोहन सिंग यांचे वयाच्या ९२ व्या वर्षी २६ डिसेंबर २०२४ रोजी उशिरा रात्री दिल्लीतील एम्स येथे निधन झाले होते. २८ डिसेंबरला निगमबोध घाटावर पूर्ण सन्मानाने, शासकीय इतमामात त्यांचे अंतिम संस्कार करण्यात आल्यानंतर लोकसभेतील विरोधी पक्षनेते राहुल गांधींनी अंत्यसंस्काराच्या जागेची निवड हि डॉ. मनमोहन सिंग यांचा “अपमान” आहे असं म्हटलंय. “भारतमातेचे महान सुपुत्र आणि शीख समुदायाचे पहिले पंतप्रधान डॉ. मनमोहन सिंग यांचे निगमबोध घाटावर अंत्यसंस्कार करून सध्याच्या सरकारने त्यांचा पूर्णपणे अपमान केला आहे. ते एक दशक भारताचे पंतप्रधान होते, त्यांच्या कार्यकाळात देश आर्थिक महासत्ता बनला आणि त्यांची धोरणे अजूनही देशातील गरीब आणि मागासवर्गीयांना आधार देतात, आजपर्यंत, सर्व माजी पंतप्रधानांच्या प्रतिष्ठेचा आदर करून, त्यांचे अंत्यसंस्कार राजघाट येथे करण्यात आले जेणेकरून प्रत्येक व्यक्तीला अंतिम ‘दर्शन’ घेता येईल आणि कोणत्याही गैरसोयीशिवाय श्रद्धांजली वाहता येईल. डॉ. मनमोहन सिंग हे आपल्या सर्वोच्च आदराचे आणि स्मारकाचे पात्र आहेत. सरकारने देशाच्या या महान सुपुत्राचा आणि त्यांच्या अभिमानी समुदायाचा आदर करायला हवा होता,” असं राहुल गांधी या प्रकाराबाबत बोलताना म्हणाले. डॉक्टर मनमोहन सिंग हे भारताचे माजी पंतप्रधान होते. त्याप्रमाणे त्यांचे अंत्यसंस्कार दिल्लीतील राजघाट येथे होण व त्यासोबतच राजघाट येथे अंत्यसंस्कार झाल्यानंतर त्या ठिकाणी त्यांचं स्मारक उभारणं अपेक्षित होत, मात्र असं काहीही झालं नाही. पंतप्रधान डॉ. मनमोहन सिंग यांचे अंत्यसंस्कार राजघाट ऐवजी निगमबोध घाटावर करण्यात आले. तर त्यांच्या स्मारकासाठी कोणतीही जागा तातडीने उपलब्ध करून न देता, दिवंगत माजी पंतप्रधान मनमोहन सिंग यांच्या स्मारकासाठी योग्य जागा शोधण्यात येईल व तेथे त्यांचे स्मारक उभारले जाईल असं सरकारने म्हटले आहे. यासोबतच मनमोहन सिंग यांच्या अंत्यसंस्कारांचे थेट प्रक्षेपण देखील कोणत्याही शासकीय वाहिनी कडून करण्यात आले नव्हते. परिणामी डॉक्टर मनमोहन सिंग यांच्या निधनानंतर त्यांना या प्रकारची दुय्यम वागणूक देऊन सरकार ने डॉक्टर मनमोहन सिंग यांचा अपमान केला आहे असा आरोप अनेक जण करत असून, या मुद्द्यावरून अनेकांनी सरकारवर टीका देखील केली आहे. या सगळ्या आरोपांनंतर भाजपची बाजू मांडताना गौरव भाटिया यांनी काँग्रेसवर टीका केली आहे. “भारताचे माजी पंतप्रधान पी व्ही नरसिंहराव यांचे अंत्यसंस्कार दिल्लीत का झाले नाहीत? त्यांचे अंत्यसंस्कार त्यांच्या मूळ शहरात करण्यास कोणी सांगितले होते. काँग्रेसने नरसिंहराव यांच्यासाठी नेमके कुठे स्मारक बांधले आहे? त्या स्मारकाचा पत्ता कृपा करून आम्हाला द्यावा. आपण श्रद्धांजली वाहण्यासाठी एकत्र तिथे जाऊ” असं म्हणत काँग्रेसच्या काळात पी व्ही नरसिंहराव यांच्यावर झालेल्या अन्यायाचा दाखला देत डॉक्टर मनमोहन सिंग यांना दिलेल्या वागणुकीवर पडदा टाकण्याचा प्रयत्न गौरव भाटिया यांनी केला आहे. जवळपास एक दशक भारताचे पंतप्रधान राहिलेले, व शीख समुदायाचे एकमेव पंतप्रधान डॉ. मनमोहन सिंग यांना मिळालेली एकूणच हि वागणूक अतिशय खेद जनक असून यावर अनेकांनी आक्षेप नोंदवला आहे. तर तुम्हाला काय वाटतं, खरंच डॉक्टर मनमोहन सिंग यांचा अपमान झाला का? यावर तुमचे मत काय ते कंमेंट करून नक्की सांगा. भारताचे माजी पंतप्रधान, अर्थतज्ज्ञ डॉक्टर मनमोहन सिंग यांना महाराष्ट्र कट्ट्याच्या संपूर्ण टीम कडून भावपूर्ण श्राद्धांजली.
Padalkar Statement : सदाभाऊ खोतांची प्रतिक्रिया
Spread the loveभाजप आमदार Gopichand Padalkar यांनी राष्ट्रवादी काँग्रेस (Sharad Pawar Group) नेते जयंत पाटील यांच्याबद्दल केलेल्या वादग्रस्त वक्तव्यावर मोठा राजकीय वाद निर्माण झाला आहे. पडळकरांनी राजारामबापू पाटील यांच्या औलाद असल्याबद्दल अपमानास्पद वक्तव्य केले. यावर त्यांच्या जिवलग मित्र आमदार Sadabhau Khot यांनी प्रतिक्रिया देताना सांगितले की, आपली लढाई राजारामबापूंच्या वारसांशी आहे, व्यक्तीशी नाही. त्यांनी पडळकरांचे वक्तव्य चुकीचे असल्याचे मान्य करतानाच, त्यांना भविष्यात जपून बोलण्याचा सल्ला दिला. मुख्यमंत्री देवेंद्र फडणवीस यांनीही या वक्तव्याची निंदा केली असून, पडळकरांना समज दिल्याचे सांगितले. मात्र, या संपूर्ण घडामोडीतून सांगली जिल्ह्यातील राजकीय वातावरण ढवळून निघाले आहे. BJP आणि राष्ट्रवादी शरद पवार गटातील संघर्ष पुन्हा एकदा तीव्र झाला असून, जाती-पातीचा राजकारणात मुद्दा पुढे सरकवला जात असल्याचा आरोपही करण्यात येत आह Gopichand Padalkar वादग्रस्त वक्तव्य आणि राजकीय वाद महाराष्ट्रातील राजकारणात वारंवार वादग्रस्त वक्तव्ये आणि त्यातून निर्माण होणारे वाद ही नवी बाब नाही. मात्र, अलीकडेच भाजपचे आमदार गोपीचंद पडळकर यांनी राष्ट्रवादी काँग्रेस (शरद पवार गट) नेते जयंत पाटील यांच्याबद्दल केलेल्या वक्तव्यामुळे प्रचंड राजकीय खळबळ उडाली आहे. सांगली जिल्ह्यातील राजकारणावर दीर्घकाळ वर्चस्व असलेले आणि अनुभवी नेते म्हणून प्रसिद्ध असलेल्या जयंत पाटील यांच्यावर पडळकरांनी व्यक्तिगत आणि पातळी सोडून टीका केली. Gopichand Padalkar यांनी जयंत पाटील यांना ‘बिनडोक माणूस’ असे संबोधत त्यांच्याकडे अक्कल नाही असे कठोर शब्द वापरले. एवढ्यावरच ते थांबले नाहीत, तर त्यांनी जयंत पाटील हे राजारामबापू पाटील यांची औलाद असल्यासारखे वाटत नाही, असे अपमानास्पद वक्तव्य केले. या विधानामुळे राजकारणात मोठी चर्चा सुरु झाली असून, पडळकरांवर टीकेची झोड उठली आहे. Maharashtra Debt Crisis : लाडकी बहिण योजना राज्याच्या आंगलट आलीय का? संपुर्ण आकडेवारी. सदाभाऊ खोतांची प्रतिक्रिया पडळकरांचे जिवलग मित्र आणि शेतकरी संघटनेतून आलेले आमदार सदाभाऊ खोत यांनी यावर प्रतिक्रिया दिली. त्यांनी स्पष्ट सांगितले की, आपली लढाई राजारामबापू पाटील यांच्याबरोबर नसून त्यांच्या वारसांशी आहे. त्यामुळे अशा प्रकारची वक्तव्ये करणं अयोग्य आहे. त्यांनी मित्र म्हणून पडळकरांना जपून बोलण्याचा सल्ला दिला. त्याचबरोबर सदाभाऊ खोत यांनी शरद पवार यांच्यावरही निशाणा साधला. त्यांनी जाती-पातीचे बी शोधण्याचे काम शरद पवार यांनीच केल्याचे सांगितले. जातीनिहाय दरी निर्माण करण्याचे पेटंट त्यांच्याकडेच आहे, असा खोचक टोला त्यांनी लगावला. भाजपमधील पडळकरांची प्रतिमा Gopichand Padalkar हे प्रस्थापित राजकारण्यांच्या विरोधात लढणारे नेते म्हणून ओळखले जातात. त्यांनी आपल्या राजकीय कारकिर्दीत अनेकदा स्पष्टवक्तेपणा दाखवला आहे. मात्र, त्यांचा हा स्पष्टवक्तेपणा वारंवार वादग्रस्त ठरतो. त्यामुळे भाजपच्या वरिष्ठ नेत्यांनाही त्यांच्यावर वेळोवेळी नाराजी व्यक्त करावी लागली आहे. मुख्यमंत्री देवेंद्र फडणवीस यांनीही या वक्तव्याबाबत प्रतिक्रिया देताना सांगितले की, पडळकरांचे वक्तव्य चुकीचे आहे आणि त्यांना समज दिली आहे. फडणवीस म्हणाले की, पडळकर हे तरुण नेते आहेत, भविष्यात त्यांना चांगली संधी मिळू शकते. त्यामुळे त्यांनी जपून बोलले पाहिजे. जयंत पाटील यांची राजकीय पार्श्वभूमी Jayant Patil हे राज्यात अनुभवी आणि प्रभावी नेते म्हणून ओळखले जातात. त्यांनी राज्यातील अनेक महत्त्वाच्या खात्यांचे मंत्री म्हणून काम केले आहे. सांगली जिल्ह्यातील त्यांचे वर्चस्व एकेकाळी निर्विवाद होते. मात्र, अलीकडच्या काळात त्यांना राजकीय आव्हानांचा सामना करावा लागला आहे. भाजप नेते गोपीचंद पडळकर हे त्यांचे प्रमुख प्रतिस्पर्धी ठरले आहेत. राजकारणातील पातळीवरचा प्रश्न पडळकरांचे वक्तव्य हे केवळ वैयक्तिक पातळीवर न थांबता राजारामबापूंसारख्या थोर नेत्यांचा उल्लेख करून केल्याने त्यावर अधिकच संताप व्यक्त केला जात आहे. राजकारणात मतभेद असणे साहजिक असले तरी पातळी सोडून केलेली वक्तव्ये केवळ व्यक्तीच नव्हे तर समाजातील मोठ्या गटाचा अपमान करतात. Sharad Pawar आणि Devendra Fadnavis हे दोन नेते एकत्र येण्याच्या चर्चा कशामुळे?
पुणे आणि पुणेकरांबद्दल विधान व्हायरल : Devendra Fadnavis
Spread the loveनागपूरमध्ये एका पुस्तक प्रकाशन कार्यक्रमात महाराष्ट्राचे उपमुख्यमंत्री देवेंद्र फडणवीस यांनी पुणे आणि पुणेकरांबाबत केलेलं विधान सध्या चर्चेचा विषय ठरत आहे. पुणेकरांच्या खास स्वभावविशेषांवर त्यांनी विनोदी अंदाजात भाष्य केल्यामुळे सोशल मीडियावर यावर चांगलीच चर्चा रंगली आहे. नागपूरमध्ये काय म्हणाले देवेंद्र फडणवीस? नागपूरमध्ये आयोजित पुस्तक प्रकाशन कार्यक्रमात देवेंद्र फडणवीस प्रमुख पाहुणे म्हणून सहभागी झाले होते. या कार्यक्रमात नागपूर मेट्रोच्या यशस्वी वाटचालीचा आढावा घेणाऱ्या पुस्तकाचं प्रकाशन करण्यात आलं. यावेळी त्यांनी महाराष्ट्रातील विविध मेट्रो प्रकल्पांबद्दलचा आढावा घेतला आणि पुणेकरांच्या स्वभावावर हलकंफुलकं भाष्य केलं. पुणे आणि पुणेकरांबद्दल विधान फडणवीस म्हणाले, “पुणे हे ऐतिहासिक आणि सांस्कृतिकदृष्ट्या महत्त्वाचं शहर आहे. मात्र, पुणेकर हे नेहमीच थोडं वेगळं असतं. ते एखाद्या गोष्टीचं कौतुक करताना पण एक विनोदी टीप्पणी देतात. त्यामुळे पुण्यातल्या मेट्रो प्रकल्पाबद्दल बोलणंही आव्हानात्मक असतं.” सोशल मीडियावर चर्चेचा विषय त्यांच्या या विधानानंतर सोशल मीडियावर पुणेकरांनी विनोदी आणि गंमतीशीर प्रतिक्रियांची रांग लावली आहे. काहींनी त्यांच्या विधानाचं समर्थन केलं, तर काहींनी विनोदाने घेतलं. महाराष्ट्रातील मेट्रो प्रकल्पांची वाटचाल कार्यक्रमात फडणवीसांनी नागपूर मेट्रो, पुणे मेट्रो, आणि इतर प्रकल्पांबद्दलही चर्चा केली. त्यांनी सांगितलं की, “महाराष्ट्रातील मेट्रो प्रकल्प हे देशातील इतर राज्यांसाठी आदर्श ठरत आहेत. नागपूर मेट्रो हा वेगवान आणि लोकाभिमुख प्रकल्प आहे.“