NZ vs PAK: न्यूझीलंडचा दुसऱ्या सामन्यातही विजय, पाकिस्तानला 5 विकेट्सने पराभव
पाकिस्तान क्रिकेट संघाला न्यूझीलंडविरुद्ध दुसऱ्या टी20 सामन्यातही हार पत्करावी लागली. पावसामुळे हा सामना 15 ओव्हरचा खेळवण्यात आला. पाकिस्तानने दिलेलं 136 धावांचं आव्हान न्यूझीलंडने 13.1 ओव्हरमध्ये 5 विकेट्स गमावून सहज पार केलं. यासह न्यूझीलंडने 5 सामन्यांच्या मालिकेत 2-0 अशी आघाडी घेतली आहे.
न्यूझीलंडची विजयी बॅटिंग
- टिम सायफर्ट: 22 चेंडूत 5 षटकार, 3 चौकारांसह 45 धावा
- फिन एलन: 16 चेंडूत 38 धावा (5 षटकार, 1 चौकार)
- मिचेल हे: नाबाद 21 धावा
- मायकल ब्रेसवेल: नाबाद 5 धावा
🔹 पाकिस्तानकडून हारिस रौफने 2 विकेट्स घेतल्या, तर मोहम्मद अली, खुशदिल शाह आणि जहांदाद खान यांनी प्रत्येकी 1-1 विकेट घेतली.
पहिल्या डावात पाकिस्तानचा संघर्ष
न्यूझीलंडने टॉस जिंकून पाकिस्तानला बॅटिंगसाठी आमंत्रित केले.
- सलमान आघा: 46 धावा (सर्वाधिक)
- शादाब खान: 26 धावा
- शाहीन अफ्रिदी: नाबाद 22 धावा
- मोहम्मद हारिस आणि अब्दुल समद: प्रत्येकी 11 धावा
🔹 न्यूझीलंडकडून जेकब डफी, बेन सियर्स, जेम्स निशाम आणि इश सोढी यांनी प्रत्येकी 2-2 विकेट्स घेतल्या.
न्यूझीलंड प्लेइंग XI:
मायकेल ब्रेसवेल (क), टिम सेफर्ट, फिन ऍलन, मार्क चॅपमन, डॅरिल मिशेल, जेम्स नीशम, मिशेल हे (विकेटकीपर), झकरी फॉल्क्स, जेकब डफी, ईश सोधी आणि बेन सियर्स.
पाकिस्तान प्लेइंग XI:
सलमान आघा (क), मोहम्मद हरिस (विकेटकीपर), हसन नवाज, इरफान खान, शादाब खान, अब्दुल समद, खुशदिल शाह, जहांदाद खान, शाहीन आफ्रिदी, हरिस रौफ आणि मोहम्मद अली.
न्यूझीलंडने मालिकेत 2-0 अशी आघाडी घेतली आहे. पाकिस्तानला मालिकेत टिकून राहण्यासाठी पुढील सामना जिंकावा लागेल.
