Shreyas Iyer IPL 2025: IPL च्या 18 व्या मोसमासाठी पंजाब किंग्सचा नवा कर्णधार श्रेयस अय्यरने एक मोठा निर्णय घेतला आहे. श्रेयस आता पंजाब किंग्ससाठी तिसऱ्या क्रमांकावर फलंदाजी करणार आहे. पंजाब किंग्सने त्याला 26.75 कोटी रुपयांमध्ये आपल्या ताफ्यात घेतले आहे. आयपीएल 2025 हंगामाला 22 मार्चपासून सुरुवात होत असून, पंजाबचा पहिला सामना 25 मार्चला गुजरात टायटन्सविरुद्ध होणार आहे. श्रेयसने याआधी कोलकाता नाईट रायडर्ससाठी आयपीएल ट्रॉफी जिंकली होती, मात्र आता तो पंजाब किंग्ससाठी नव्या भूमिकेत दिसणार आहे. श्रेयस अय्यरने काय सांगितले? “आयपीएल भारतीय क्रिकेटचा महत्त्वाचा भाग आहे. मी स्वतःला टी-20 क्रिकेटमध्ये तिसऱ्या स्थानी स्थिर करू इच्छितो. त्यामुळे पंजाबसाठी तिसऱ्या क्रमांकावर फलंदाजी करणार आहे,” असे श्रेयसने पत्रकार परिषदेत स्पष्ट केले. श्रेयस अय्यरची आयपीएल कारकीर्द: पंजाब किंग्स संघ IPL 2025: श्रेयस अय्यर (कर्णधार), शशांक सिंह, प्रभसिमरन सिंह, अर्शदीप सिंह, युजवेंद्र चहल, मार्कस स्टोयनिस, ग्लेन मॅक्सवेल, नेहाल वढेरा, जॉश इंग्लिस, लॉकी फर्ग्युसन, मार्को यानसन आणि अन्य खेळाडू.
