राज्यात Guillain Barre Syndrome (GBS) च्या वाढत्या प्रकरणांमध्ये 20 ते 29 वर्षे वयोगटातील रुग्णांचे प्रमाण सर्वाधिक आहे. आतापर्यंतच्या आकडेवारीनुसार, एकूण 197 रुग्णांपैकी 42 जण या वयोगटातील आहेत. यानंतर 50-59 वयोगटातील 28 टक्के, 40-49 वयोगटातील 27, 10-19 वयोगटातील 23, 30-39 वयोगटातील 23, 60-69 वयोगटातील 21, 70-80 वयोगटातील 6 आणि 80-89 वयोगटातील 4 रुग्ण आढळले आहेत. पुण्यात GBS चा प्रसार, दूषित पाण्यामुळे वाढता धोका पुणे शहरात जानेवारीपासून GBS प्रकरणांमध्ये वाढ झाली आहे. राष्ट्रीय विषाणू विज्ञान संस्थेच्या (NIV) अहवालानुसार, हा आजार दूषित पाण्यामुळे फैलावला आहे. प्रारंभिक टप्प्यात उलट्या, जुलाब, थकवा अशी लक्षणे दिसतात. Campylobacter Jejuni आणि Norovirus या जिवाणू-विषाणूंमुळे GBS चा प्रादुर्भाव झाल्याचे स्पष्ट झाले आहे. GBS ची लक्षणे आणि परिणाम हा विकार चेतासंस्थेशी संबंधित असल्यामुळे शरीराची प्रतिकारशक्ती तंत्रिका पेशींवर हल्ला करते. जिवाणू किंवा विषाणू संसर्ग झाल्यानंतर 1 ते 3 आठवड्यांत GBS विकसित होतो. यात पुढील लक्षणे दिसू शकतात: GBS वरील उपचार आणि पुनर्वसन GBS वर लक्षणांनुसार उपचार केले जातात. IVIG (Intravenous Immunoglobulin) इंजेक्शन किंवा प्लाझ्मा बदलण्याच्या पद्धतीने उपचार केला जातो. योग्य वेळी निदान आणि उपचार केल्यास रुग्ण पूर्णपणे बरा होऊ शकतो. राज्यातील GBS वाढत्या संख्येच्या पार्श्वभूमीवर प्रतिबंधात्मक उपाय आणि स्वच्छतेची काळजी घेणे गरजेचे आहे. सार्वजनिक आरोग्य तज्ज्ञांनी नागरिकांना शुद्ध पाणी पिणे आणि स्वच्छतेच्या सवयी पाळण्याचा सल्ला दिला आहे.
