Astro

Gudi Padwa 2025: हिंदू नववर्षाची सुरुवात गुढीपाडव्यापासून होते. आता या नवीन वर्षात कोणत्या राशींचे नशीब चमकणार आहे, चला जाणून घेऊया… गुढीपाडवा काही दिवसांवर येऊन ठेपला आहे. संपूर्ण महाराष्ट्रात हा सण मोठ्या थाटामाटात साजरा केला जातो. चैत्र शुक्ल प्रतिपदेला साजरा होणाऱ्या या सणाला हिंदू नववर्षाची सुरुवात होते. यावर्षी 30 मार्च रोजी गुढीपाडवा साजरा होणार आहे. ज्योतिषशास्त्रानुसार, या शुभ दिवशी काही राशींवर अत्यंत सकारात्मक परिणाम होणार आहे. काही राशींसाठी हा काळ खूपच भाग्यवान ठरणार आहे. गुढीपाडव्याचे महत्व आणि परंपरा -Astrology Predictions: हिंदू धर्मग्रंथांनुसार, ब्रह्मदेवांनी गुढीपाडव्याच्या दिवशी विश्वाची निर्मिती सुरू केली. या दिवशी घराच्या बाहेर गुढी उभारली जाते. ही गुढी विजय आणि समृद्धीचे प्रतिक मानली जाते. तसेच, गुढीपाडवा हा सण नवीन ऊर्जा आणि आशेची सुरुवात दर्शवतो. या दिवशी सूर्याची किरणे पृथ्वीवर नवीन सकारात्मक ऊर्जा आणि उत्साह पसरवतात. गुढीपाडवा विक्रम संवत आणि शक संवत सुरू होण्याचा दिवस असल्याने खूप शुभ मानला जातो. या दिवसाच्या ग्रहस्थितीचा परिणाम संपूर्ण वर्षभर जाणवतो. आरोग्य, करिअर, संपत्ती आणि वैवाहिक जीवन यासंबंधीचे संकेत या दिवशी मिळतात. या ५ राशींसाठी सुरु होणार सुवर्ण काळ मेष (Aries) गुढीपाडव्याच्या मुहूर्तावर मेष राशीवर सूर्य आणि मंगळाचा विशेष प्रभाव राहील. त्यामुळे या राशीच्या लोकांना नवीन संधी मिळतील. करिअर आणि व्यवसायात मोठे यश मिळेल. आर्थिकदृष्ट्या हा काळ खूप शुभ राहणार आहे. गुंतवणुकीतून मोठा फायदा होण्याची शक्यता आहे. कर्क (Cancer) या राशीवर चंद्राचा सकारात्मक प्रभाव राहील. करिअरमध्ये नवे मार्ग उघडतील, विविध क्षेत्रात यश मिळेल. कौटुंबिक जीवनात प्रेम आणि सौहार्द वाढेल. जर तुम्ही नव्या गुंतवणुकीचा विचार करत असाल, तर हा योग्य काळ आहे. सिंह (Leo) सिंह राशीच्या लोकांसाठी गुढीपाडवा शुभ ठरणार आहे. सूर्य हा सिंह राशीचा अधिपती ग्रह असल्याने नशिब उजळणार आहे. समाजात प्रतिष्ठा वाढेल, नवे संधी उपलब्ध होतील. व्यापाऱ्यांसाठी हा काळ अत्यंत फायद्याचा राहील. वृश्चिक (Scorpio) मंगळाच्या कृपेने या राशीच्या लोकांना व्यवसाय आणि नोकरीत चांगले यश मिळेल. आर्थिक वाढ होईल, अचानक धनलाभ होण्याची शक्यता आहे. कौटुंबिक वातावरण चांगले राहील आणि जुने वाद मिटण्याची शक्यता आहे. धनू (Sagittarius) गुढीपाडव्याचा दिवस धनू राशीच्या लोकांसाठी खूप शुभ ठरणार आहे. गुरूच्या प्रभावामुळे करिअरमध्ये नवे यश मिळेल, नवी संधी येतील. आत्मविश्वास वाढवा आणि इतरांना मदत करा. आरोग्य उत्तम राहील. गुढीपाडव्याच्या शुभेच्छा! या नवीन वर्षात नशिब तुमच्या बाजूने असेल आणि तुम्हाला सुख-समृद्धी मिळो, हीच शुभेच्छा!