Bangladesh राजकीय परिस्थिती सध्या गंभीर व गोंधळात आहे. शेख हसीनाच्या सरकारच्या पतनानंतर आणि महंमद युनूस यांनी सत्ता घेतल्यानंतर देशात अस्थिरता वाढली आहे. सोशल मीडियावर आणीबाणी लागू होण्याच्या अफवा पसरत आहेत. काही लोकांचे म्हणणे आहे की लष्कर शेख हसीनाला परत आणण्याचा विचार करत आहे. यावर लष्कराने एक महत्त्वाची बैठक घेतली आहे. रविवारी सोशल मीडियावर ‘काहीतरी मोठं घडणार आहे’ अशी बातमी पसरली होती, ज्यामुळे ढाक्यात खळबळ माजली. यानंतर बांगलादेशचे गृहसचिव नसीमुल घनी यांनी त्वरित स्पष्टीकरण दिले, आणि या चर्चांना अफवा म्हणून नाकारले. त्यांनी स्पष्ट केले की, देशाच्या परिस्थितीवर सरकारचे नियंत्रण आहे आणि पोलिस प्रशासन तसंच स्थैर्य राखण्यासाठी कार्यरत आहे. तर, दुसरीकडे लष्कराच्या बैठकीत या चर्चांना अधिक गती मिळाली आहे. सूत्रांनी दिलेल्या माहितीनुसार, लष्कराच्या अधिकाऱ्यांनी देशातील अस्थिरता दूर करण्यासाठी तातडीने निर्णय घेण्याची मागणी केली आहे. आणीबाणीच्या चर्चांमुळे शेख हसीनाच्या पक्षाच्या पुनरागमनाचे समर्थन करणाऱ्यांचा आवाज वाढला आहे. ढाका ट्रिब्यूनने दिलेल्या माहितीनुसार, लष्करप्रमुख जनरल वकार-उझ-जमान यांनी 11 मार्चला काही विद्यार्थी नेत्यांशी गुपचूप बैठक घेतली होती. त्यात त्यांनी अवामी लीगच्या पुनरागमनावर चर्चा केली होती. यामुळे बांगलादेशातील राजकारणात आणखी गडबड निर्माण झाली आहे. लोक या गोष्टींविरोधात रस्त्यावर उतरले आहेत. काय होईल बांगलादेशातील राजकारणाचा भविष्य? लष्कराचा पुढचा निर्णय काय असेल? हे सध्या सर्वांचे लक्ष लागले आहे. परिस्थिती अजून अधिक गुंतागुंतीची होत चालली आहे आणि बांगलादेशच्या भविष्यासाठी महत्त्वपूर्ण निर्णय घेतले जात आहेत.
