Maharashtra Katta -

भारताचा हर सण हा श्रद्धा, परंपरा आणि उत्साहाने केला जातो. यामध्ये धनत्रयोदशी म्हणजेच Dhanteras 2025 हा सण विशेष समाजात मानला जातो. दिवाळीचा उत्सव याच दिवशी चालू होता आणि या दिवशी ह्याचे संपत्ती, आरोग्य आणि समृद्धीचं प्रतीक मानलं जातं. पौराणिक कथेनुसार, समुद्रमंथनाच्या काळात श्री धन्वंतरि अमृत घेऊन प्रकट झाले होते. म्हणूनच Dhanteras हा दिवस आरोग्य आणि दीर्घायुष्य प्राप्तीचा दिवस मानला जातो. त्याचवेळी भगवान कुबेर व आराध्य देवी लक्ष्मीची उपासना करून वर्षभरासाठी धनलाभाची कामना केली जाते. भारतीय कुटुंबांमध्ये या दिवशी घर साफसफाई केली जाते, तिजोरीला व व्यापारातील गल्ल्याला हळद-कुंकू लावून पूजा केली जाते. आणि संध्याकाळी दिवे लावून लक्ष्मीचे स्वागत केले जाते.धनत्रयोदशी म्हणजे सोनं आणि चांदीची खरेदी ही अपरिहार्य परंपरा असताना या दिवशी घरात वर्षभर धनलाभ होतो असं मानलं जातं. सोनं आणि चांदी हे स्थैर्य, सौंदर्य आणि लक्ष्मीचं प्रतीक असणार्याने घरात वर्षभर राहणारं धनलाभ होतो ही बात मानावी लागेल. Dhanteras हा सण कुबेर देव आणि धन्वंतरि भगवान यांच्या पूजनासाठी प्रसिद्ध आहे. असे मानले जाते की या दिवशी योग्य वस्तूंची खरेदी केल्यास घरात लक्ष्मीचा वास होतो तर वर्षभर भरभराट होते. धनत्रयोदशीचे धार्मिक महत्त्व हिंदू पंचांगानुसार, कार्तिक कृष्ण पक्षातील त्रयोदशी हा दिवस धनत्रयोदशी म्हणून साजरा केला जातो. या दिवशी भगवान धन्वंतरि समुद्रमंथनातून अमृताचा कलश घेऊन प्रकट झाले होते. त्यामुळे या दिवशी आरोग्य आणि संपत्ती दोन्ही मिळावीत, अशी प्रार्थना केली जाते. १. सोनं-चांदीची खरेदी Dhanteras म्हटली की सोनं आणि चांदीचं नाव आलंच. या दिवशी सोनं, चांदी किंवा त्याच्या नाण्यांची खरेदी करणे शुभ मानले जाते. ज्योतिषशास्त्रानुसार, या दिवशी खरेदी केलेले सोनं घरात लक्ष्मी स्थिर करते. आपल्या ऐपतीनुसार सोन्याचं दागिनं, चांदीचं नाणं किंवा छोटे बिस्किट विकत घेणं अत्यंत शुभ असतं. २. कुबेर यंत्राची स्थापना धनत्रयोदशीच्या दिवशी कुबेर यंत्र खरेदी आणि स्थापना करणं अत्यंत शुभ असतं. कुबेर हे धनाचे अधिपती मानले जातात. हे यंत्र दुकानातील गल्ला, घरातील तिजोरी किंवा ऑफिसमध्ये ठेवले जाते. त्यासमोर बसून खालील मंत्राचा 108 वेळा जप करावा – “ॐ यक्षाय कुबेराय वैश्रवणाय, धनधान्याधिपतये धनधान्यसमृद्धिं मे देहि दापय स्वाहा” असं केल्याने धनलाभ, आर्थिक स्थैर्य आणि व्यावसायिक वाढ होते. ३. तांबे आणि पितळी वस्तू Dhanteras च्या दिवसावर तांबे आणि पितळी वस्तू खरेदी करण्याला धार्मिकदृष्ट्या किती महत्त्व आहे. तांबे आरोग्यदायी धातू आहे, त्यामुळे धनत्रयोदशीच्या दिवसावर तांब्याची भांडी, ताटं किंवा पूजेसाठी तांब्याचा कलश घेणं शुभ ठरतं. पितळीसुद्धा समृद्धीचं प्रतीक आहे. घरात पितळी दिवा किंवा पूजेचा सेट ठेवला तर घरात शांती आणि स्थैर्य वाढतं. ४. झाडू खरेदीचा शुभ योग Dhanteras च्या दिवसावर झाडू खरेदी करणे शुभ मानले जाते. भारतीय परंपरेनुसार झाडू म्हणजे ‘दारिद्र्य दूर करणारे’ साधन असते. या दिवशी जुनी झाडू टाकून नवीन झाडू घेतल्याने घरातील नकारात्मक ऊर्जा नष्ट होते आणि लक्ष्मीचा वास होतो. ज्या अनेक गृहिणी या दिवशी झाडू खरेदी करून संध्याकाळी लक्ष्मीपूजनापूर्वी घर झाडतात — याला धार्मिक दृष्ट्या अत्यंत शुभ मानलं जातं. ५. शंख आणि रूद्राक्ष खरेदी ज्योतिषशास्त्र आणि वास्तुशास्त्रानुसार, शंख हे लक्ष्मीचे प्रतीक आहे. धनत्रयोदशीच्या दिवशी शंख विकत घेऊन घरात ठेवला तर संपत्ती आणि शांती वाढते. तसेच सातमुखी रूद्राक्ष आणून घरात ठेवला तर सर्व अडथळे आणि नकारात्मकता दूर होते. ६. दिवे व पूजेच्या वस्तू धनत्रयोदशी म्हणजे दिवाळीचा सुरुवातीचा दिवस असल्याने दिवे, वाती, सुगंधी अगरबत्त्या व पूजेची सामग्री किंवा अन्नधान्य खरेदी करतांना मोठं महत्त्व येतं. घरात उजेड होणं, प्रकाशाचा प्रभाव वाढणं म्हणजेच लक्ष्मीचं स्वागत करणं. या दिवशी पूजेसाठी विशेष सुवासिक तेल व देवदारू स्तंभाची पितळी दिवे वापरणं अत्यंत शुभ होतं. ७. अन्नधान्य व धान्याची खरेदी Dhanteras च्या दिवशी घरात अन्नधान्य साठवणं, नवीन धान्य विकत घेणं शुभ मानलं जातं. यामुळे घरात वर्षभर अन्नसंपत्ती टिकून राहते. अन्न हेच परमेश्वर” ह्या विचाराच्या या परंपरेचं महत्त्व पाहता येतं. धनत्रयोदशीचे आधुनिक अर्थ आजच्या काळातही या परंपरा आपल्याला समृद्धी आणि सकारात्मकता देतात.धनत्रयोदशीचा मूळ अर्थ सोन्या-चांदी खरेदी नव्हे, तर स्वच्छता, आरोग्य आणि समृद्ध जीवन यासाठी प्रयत्न करणं हाच आहे.या दिवशी आपण फक्त सोनं-चांदी नव्हे, तर विश्वास, श्रद्धा आणि आनंद ही संपत्ती मिळवायला हवी. या वस्तूंची पूजा केल्याने मानसिक शांती आणि स्थैर्य मिळतं.धनत्रयोदशीच्या दिवशी धन्वंतरि पूजन करण्याचीदेखील परंपरा आहे.हा दिवस केवळ धनप्राप्तीचा नाही तर आरोग्याच्या देवतेची कृपा मिळवण्याचा दिवस आहे.त्यामुळे या दिवशी आरोग्यदायी आहार घेणं, व्यसनांपासून दूर राहणं आणि आरोग्यविषयक संकल्प करणं हे देखील धनत्रयोदशीचं आध्यात्मिक महत्त्व अधोरेखित करतं. वाचा अजून संबंधित बातम्या- Beed Yogeshvari Devi : आंबाजोगाईची देवी योगेश्वरी कोकणस्थांची कुलदैवत कशी झाली? संपुर्ण इतिहास

Crime Trending

Aurangabad Kidnapping -विद्यार्थिनीवर जडला जिव, मदतनीसाचं अपहरण प्रकरण!

October 14, 2025October 14, 2025Maharashtra KattaComment(0)

Aurangabad Kidnapping -Police Academy भरतीसाठी आलेल्या एका विद्यार्थिनीवर संचालकाचा जीव जडला. कॉन्टक्ट कसं करायचं म्हणून एका 20 वर्षीय विद्यार्थ्याला त्याने हाताशी धरलं आणि कॉन्टॅक्ट सुरु झालं. थोड्या दिवसात त्याच विद्यार्थ्यासोबत संचालकाचा वाद झाला. आता हा पोरगा आपलं सिक्रेट ओपन करणारं म्हणून त्यालाच किडन्याप करण्याचा प्लॅन संचालकाने आखला. मात्र Chhatrapati Sambhajinagar च्या सिल्लोड मधील पोलींसांनी हा प्लॅन उधळून लावला. घटनेची पार्श्वभूमीChhatrapati Sambhajinagar च्या सिल्लोड मधल्या केळगावंचा Amol Makhala नावाचा २० वर्षीय तरुण. साधारण वर्षभरापुर्वी तो पोलीस भरतीच्या तयारीसाठी हिंदवी करिअर ॲकॅडमीत जॉईन झाला. त्याच ॲकॅडमीचा संचालक असलेल्या दशरथ विठ्ठल जाधव याला एका विद्यार्थिनीवर प्रेम झालं. संचालकाने त्याचं जुळवून देण्यासाठी Amol Makhala हाताशी धरला. वादातून उभं राहिलं संकट अमोलनेही दोघांमध्ये मध्यस्थी करत त्यांना चांगलीच मदत केली. पण काही दिवसातचं त्याचं आणि संचालक असणाऱ्या Dasharath Jadhav याचं काही कारणावरुन भांडण झालं. दशरथ जाधवने अमोलला ॲकॅडमीतून बाहेर काढलं. पण त्याच्या काही ऑडीओ रेकॉर्डींग या अमोलकडं होत्या. जर त्या अमोलने ह्या रेकॉर्डींग किंवा त्याच्याकडं असणारे पुरावे व्हायरल केले तर आपली मोठी बदनामी होईल म्हणून संचालक असणाऱ्या दशरथ जाधवने अमोलला तंबी देण्याचा आणि Kidnapping करायचा प्लॅन आखला. Kidnapping थरारक प्लॅन Dasharath Jadhav त्याच्या ॲकॅडमीत शिकणाऱ्या दोन मुलांना अमोलच्या गावी केळगावला पाठवलं. त्यानंतर अमोलला त्या पोरांसोबत घाटात बोलावलं. तो त्या पोरांसोबत घाटात पोचला तेव्हा Dasharath Jadhav सोबत त्याचा साथीदार गणेश जगतापही होता. गणेश जगताप आणि ॲकॅडमीत शिकणारे कोहळा तांडा गावचे दोन मुलं गणेश सोनूसिंग चव्हाण आणि प्रविण लालचंद राठोड यांनी अमोल मखला दांड्याने मारायला सुरवात केली. तुझ्याकडं असणारे पुरावे आम्हाला दे अशी मागणी त्याच्याकडं केली. अमोल मखने ती रेकॉर्डींग द्यायला नकार दिला. अमोलला बेदम मारहाण करुन त्या चौघांनी त्याला फोरव्हिलर टाकलं आणि अज्ञातस्थळी घेऊन चालले. पण या गाडीतून घेऊन जाताना अमोलच्या एका मित्राने त्याला पाहिलं आणि हिंदवी ॲकॅडमीचा संचालक असणाऱ्या दशरथ जाधवला ओळखलं. अमोलच्या मित्राने ही माहीती त्याच्या घरच्यांना दिली आणि अमोलच्या घरच्यांनी ही माहिती सिल्लोडच्या पोलीसांना दिली. पोलिसांची फिल्मी कारवाई सिल्लोड पोलीसांना Kidnapping माहिती मिळताच. त्यांनी घटनेचं गांभिर्य लक्षात घेऊन तात्काळ यंत्रणा कामाला लावली आणि दशरथ जाधव तसेच त्याच्या साथिदाराच्या तावडीतून अमोलची सुटका केली. पोलीसांनी ताब्यात घेतलेला मुख्य आरोपी दशरथ जाधवसह, त्याचा साथिदार गणेश जगताप आणि हिंदवी करिअर अॅकॅडमीत पोलीस भरतीची तयारी करणारे गणेश चव्हाण आणि प्रविण राठोड यांना न्यायालयात हजर केलं आहे. स्थानिक प्रतिक्रिया न्यायालयाने त्यांना १४ दिवसांची पोलीस कोठडी सुनावली. पोलीस निरीक्षक रवींद्र ठाकरे, उपनिरीक्षक लहू घोडे, कर्मचारी विश्वनाथ तायडे,यतीन कुलकर्णी, विठ्ठल नागरगोत, रामेश्वर जाधव, रमेश व्यवहारे, अनंत जोशी यांनी भराडी जवळ फिल्मी स्टाईलने आरोपींना अटक केली होती. वाचा अजून संबंधित बातम्या- Jalgaon Crime – Mayuri Thosar Case : हुंडाबळीची आणखी एक घटना जळगावच्या नवविवाहीतेसोबत घडली.

political news महाराष्ट्र

Nilesh Ghayval Case: रोहीत पवार विरुद्ध राम शिंदे संघर्ष

October 14, 2025October 14, 2025Maharashtra KattaComment(0)

Nilesh Ghayval या एका नावामुळं पुण्यासहीत राज्याचं राजकारण ढवळून निघालं. एक-एक करत सगळ्या पक्षांच्या नेत्यांचा त्याच्याशी कसा संबंध होता. हे आता सगळेजण समोर आणत आहेत. अशात हा विषय पोहचला Rohit Pawar विरुद्ध Ram Shinde आणि या दोघांचा Nilesh Ghayval शी कसा संबंध होता इथपर्यंत. निलेश घायवळ कोण? पुण्यात गोळीबार झाला. सगळ्या मिडीयाने विषय लावून धरल्यावर घायवळ टोळीतील हे गोळीबार करणारे गुंड असल्यामुळे Nilesh Ghayval वर कायरवाईची मागणी वाढली. अशात तो दुसऱ्या देशात गेला तेव्हा त्याला पासपोर्ट कुणी दिला हा प्रश्न समोर आला. रोहीत पवारांनी महायुतीततल्या अनेक नेत्यांचं नाव निलेश घायवळ सोबत जोडलं. सोबतच त्यांनी विधानपरिषदेचे सभापती राम शिंदे यांच्या प्रचाराला निलेश घायवळ आला होता. असं वक्तव्य केलं. रोहीत पवारांचे आरोप यानंतर कर्जत-जामखेड मतदारसंघातल्या निवडणूकांमध्ये Nilesh Ghayval रोहीत पवारांच्या विरोधात प्रचार करताना आणि राम शिंदे सोबत असल्याचे व्हिडिओ व्हायरल झाले. ज्यामध्ये घायवळ भाषण देत रोहीत पवारला निवडून देऊ नका हे सांगत होता. त्यामुळे आधिच राज्याचे गृहराज्यमंत्री योगेश कदम यांच्यावर शस्त्र परवाना दिल्याचा आरोप झालेला असताना. पुन्हा भाजपच्या सभापतींवर पासपोर्टसाठी मदत केल्याचा आरोप करण्यात आला. आजकाल पत्रकारपरिषदा घेऊन सरकारचे घोटाळे बाहेर काढणाऱ्या रोहीत पवारांनी या प्रकरणावरुनही चांगलंच रान उठवलं. आणि यावेळी टप्यात घेतलं त्यांचे मतदारसंघातील प्रतिस्पर्धी राम शिंदेंना. याच्यावर राम शिंदेंची देखील प्रतिक्रिया आली आहे. पण त्याआधी एक व्हिडिओ आणि एका व्यक्तीच्या प्रतिक्रियेने या संपुर्ण घटनेला वेगळ वळण मिळालं. सुनंदाताई पवारांचा व्हिडिओ समोर कर्जत-जामखेड मध्ये रोहीत पवार यांच्या आई सुनंदाताई पवार एका कार्यक्रमात निलेश घायवळ यांचं कौतुक करतानाचा हा व्हिडिओ होता. कोरोनामध्ये एका कार्यक्रमात निलेश घायवळकडून शाळेसाठी दिलेल्या वस्तूंच वाटप करताना सुनंदाताई पवार यांनी Nilesh Ghayval चं कौतुक केल्याचा हा व्हिडिओ होता. कर्जत-जामखेडचा राजकीय तणाव यासोबत एक पोस्ट सुद्धा फिरवण्यात आली. ज्यामध्ये सांगण्यात आलं की २०१९ मध्ये रोहीत पवार यांनी त्यांच्या प्रचारासाठी कर्जत-जामखेडच्या बाहेर राहणारे पण कर्जत जामखेडचेच असलेले,अशा सर्वांना आपल्या प्रचारासाठी वापरुन घेतलं. त्यापैकीच एक मुळचा जामखेड तालुक्यातील खर्ड्याच्या जवळच्या गावात राहणारा निलेश घायवळ. यानंतर मिडीयाला Nilesh Ghayval यांचा मामा यांनी प्रतिक्रीया देताना सांगितलं की, २०२० सालीच महाविकास आघाडीचं सरकार असताना निलेश घायवळला पासपोर्ट देण्यासाठी त्यावेळचे गृहमंत्री अनिल देशमुख यांना रोहीत पवारांनी विनंती केली होती. त्यांच्या विनंतीवरुनच अनिल देशमुखांनी २०२० मध्ये निलेश घायवळला पासपोर्ट मिळवून दिला. या व्हिडिओ आणि निलेश घायवळच्या नातेवाईकांच्या प्रतिक्रियेनंतर राम शिंदे सुद्धा समोर आले आणि या प्रकरणावर त्यांनी त्यांची बाजू मांडली. राम शिंदेंची प्रतिक्रियाराम शिंदे म्हणाले की, निलेश घायवळने २०१९ मध्ये रोहीत पवारांचा प्रचार केला. जामखेडच्या लोकांना पहिल्यांदा कळालं की निलेश घायवळ हा आपल्या भागातला आहे आणि तो पुण्यात राहतो. यांच्या बैठका झाल्या, चर्चा झाल्या. तेव्हा तो यांना सामाजिक कार्यकर्ता वाटत होता. पण नंतर यांचं कशावरुनतरी बिनसलं मंग ते देवाणघेवाणात बिनसलं, का रिअल इस्टेटमध्ये बिनसलं हे त्यांनाच माहीती. महाराष्ट्राच्या राजकारणावर परिणामत्यांचे कौटुंबीक संबंधही होते. त्यांचे वडीलही त्यांच्या घरी जाऊन आले. त्यांचं बिनसल्यावर मात्र Nilesh Ghayval रोहीत पवारांना विरोध करण्यासाठी माझ्याबरोबर आले. पण ते ना भाजपचे सदस्य आहेत. ते आहेत अजित पवारांच्या राष्ट्रवादीत. महायुती म्हणून ते २०२४ ला रोहीत पवारांच्या विरोधात प्रचार करत होते. त्यांना पासपोर्ट द्यायला रोहीत पवारांनीच मदत केली होती. याची चौकशी लागली आहे. वाचा अजून संबंधित बातम्या- Sunil Anna Shelke news : मावळातल्या राजकारणाचा रक्तरंजीत इतिहास आणि आमदारांच्या हत्येचा कट

आजच्या बातम्या

Goa पेटलं! भुमिपुत्र कार्यकर्त्यावर हल्ल्यानंतर रोष

October 14, 2025October 14, 2025Maharashtra KattaComment(0)

गोवा आंदोलन का पेटलं? Rama Kankolkar प्रकरणाने माजवली खळबळ Goa Protest :गोव्यात लोकांचा रोष आता पोलीस मुख्यालय. भाजप कार्यालय. मुख्यमंत्री कार्यालयावर निघत आहे. काय आहे हे प्रकरण ज्यामुळे Goa लोक रस्त्यावर उतरलेत? भुमिपुत्रांसाठी लढणाऱ्या एका सामाजीक कार्यकर्त्यावर झालेल्या जिवघेण्या हल्यामुळे गोवा का पेटलं आहे? काय घडलं होतं १८ सप्टेंबरला? भुमिपुत्रांच्या हक्कांसाठी लढणारा Rama Kankolkar याच्यावर अज्ञात लोकांनी मागच्या महिन्यात हल्ला केला होता. सायकलच्या चैनने मारून तोंडात गाईचं शेण घालून चार जणांनी हा जिवघेणा हल्ला केला होता. १८ सप्टेंबरला ही घटना झाली. लोकांची मागणी आहे की याच्यातले सर्व आरोपी पकडा आणि याचा मास्टरमाईंड कोण आहे? आणि हल्याचं कारण काय आहे हे सांगा. पोलीसांनी अद्यापपर्यंत काहींना अटक केली असली तरीही. हल्याचा हेतू काय होता. आणि कुणी करायला सांगीतला याची माहीती दिलेली नाही. आता प्रश्न पडतो की जर हल्लेखोरांना पोलीस ताब्यात घेत असतील. तरीसुद्धा गोव्यातील लोकांमध्ये येवढा रोष पोलीस आणि सरकार बद्दल का आहे? गोव्यातील सामान्य नागरीक रस्त्यावर उतरुन पोलीस आणि सरकार विरोधात विशेषकरुन भाजप विरोधात आक्रमक का आहेत. तर पत्रकार सांगतात की Rama Kankolkar हा भुमिपुत्रांसाठी लढणारा कार्यकर्ता आहे. लोक रस्त्यावर का उतरले? स्थानिकांच्या जमीनी हाडपून Goa त असणारी दिल्ली लॉबी आणि मोठे व्यावसाईक स्वतःचा फायदा करुन घेतात. सरकारी यंत्रनाही त्यांच्याच फायद्यासाठी काम करतात असं आंदोलकांचं म्हणणं आहे. अशात त्यांच्यासाठी लढणाऱ्या कार्यकर्त्यावर जिवघेणा हल्ला होतो. त्यामध्ये सायकलच्या चैनने आणि तोंडात शेण घालून ते पसार होतात. हा हल्ला दुसरा-तीसरा कोणी नाही तर याच दिल्ली लॉबी आणि सरकारचा आशिर्वाद असलेल्या उद्योगपतींनीच घडवून आणल्याचं त्यांचं मत आहे. इतके दिवस होऊनही पोलीसांना अजुन यामागे कोण आहे? हे का समजलं नाही. याचा मास्टरमाईंड कोण आणि त्याचा हेतू काय होता? हे समोर आलं पाहिजे यासाठीच त्यांनी गोव्यातल्या पोलीस आयुक्तालयासमोर, भाजप कार्यालयात, मुख्यमंत्री कार्यालयात आक्रमक आंदोलन केलं आहे. सरकार आणि पोलीसांविरुद्ध संताप हा झाला माहीतीचा विषय पण संपुर्ण देशात हाच पॅटर्न पहायला मिळतोय का? लदाख मध्ये सुद्दा स्थानिक प्रश्न म्हणत लोक रस्त्यावर उतरले. भाजप कार्यालय पेटवून दिलं. पोलीसांच्या गाड्या पेटवून दिल्या. Goa तही त्याच दिशेने आंदोलन सुरु आहे का? अनेकांना यावर शंका येत आहेत. कारण लोकांमधला रोष मंग तो कुठल्याही प्रश्नांवर असो. हिंसक आणि अधिक आक्रमकपणे बाहेर येत आहे. यासाठी कुणी बाहेरची शक्ती काम तर करत नाही ना? असा प्रश्न पडत आहे. आंदोलनाचं स्वरूप आणि इशारा भारताच्या विरोधात चिन, पाकिस्तान सोबत आता अमेरिकेसारखा देश सुद्धा आपले प्रयत्न करत असताना. एखाद्या देशात अराजक माजवून सत्ता उलथवून लावण्याचा त्या देशाचा मोठा इतिहास आहे. त्यासाठी अब्जावधी रुपये खर्चुन, मोठी यंत्रणा ही जगभर काम करत असते. सध्यातरी भारत अनेक आघाड्यांवर लढत असताना गृहयुद्धाचा धोका त्याला न परवडणारा आहे. इथला सामान्य माणूस तसा कमालीचा संयंमी आणि हुशार आहे. पण चुकीची माहीती त्याच्यापर्यंत पोहचवून. सरकार आणि व्यवस्थेबद्दल त्याच्या मनात रोष तयार करण्यासाठी काही गोष्टी मुद्धाम त्याच्यापर्यंत पोहोचवल्या तर जात नाहीत ना. असाही प्रश्न पडत आहे. वाचा अजून संबंधित बातम्या- TCS layoffs : आयटी कर्मचाऱ्यांना रस्त्यावर आणणारी कार्पोरेट संस्कृती

RSS camp Kerala News IT Engineer Suicide Case

Crime आजच्या बातम्या

RSS शिबिरात लैंगिक शोषण? IT Engineer तरुणाची आत्महत्या

October 14, 2025October 14, 2025Maharashtra KattaComment(0)

RSS Camp Kerala News : IT काम करणारा. 26 वर्षाचा तरुण. आत्महत्या करतो आणि त्याआधि एक सोशल मिडिया पोस्ट करतो. माझ्या आत्महत्येचं कारण प्रेम, कर्ज किंवा दुसरं काही नाही. तर माझ्यावर संघाच्या शाखेत झालेल्या लैगींक झळामुळे झालेल्या मनोविकारा आहे असं तो सांगतो. काय आहे हे सगळ प्रकरण आणि RSS च्या शिबीरांवर यामुळे काय आरोप होत आहे. यावर्षी म्हणजेच २०२५ मध्ये RSS या संघटनेला १०० वर्ष पुर्ण झाली. आधि सावरकरांमुळे नंतर गांधिजींच्या हत्तेमुळे, ३ वेळा लागलेल्या बंदिमुळे, हिंदुराष्ट्राच्या RSS च्या धोरणामुळे, शिवाय देशाचे पंतप्रधान अटल बिहारी वाजपेयी आणि आत्ताचे Narendra Modi हे संघ स्वयंसेवक असल्यामुळे नेहमीच RSS देशाच्या केंद्रस्थानीचा मुद्धा राहिला. भाजपातील बहुतेक नेते हे संघातून आलेले असतात. जसेकी महाराष्ट्राचे मुख्यमंत्री देवेंद्र फडणवीस, महाराष्ट्रातील भाजपचे मोठे नेते नितीन गडकरी. सत्तेत भाजप असली तरी RSS ला डावलून त्याला राजकारण करता येत नाही. असं म्हटलं जातं. भाजप आपली विचारधारा तळागळापर्यंत पोहचवण्यासाठी संघ प्रचारकांचा किंवा थेट संघाचा उपयोग करतं. केरळमध्ये सुद्धा आरएसएसचा प्रभाव वाढत आहे. अशात संघाच्या शाखेत आणि शिबीरात लैंगीक छळ झाल्याची बातमी समोर आली आहे. केरळच्या एका IT कंपनीत काम करणाऱ्या एका तरुणाने यामुळे आत्महत्या केल्याचा संशय आहे. पोलीसांनी याची दखल घेत शवविच्छेदनासाठी पार्थिव पाठवलं आहे. आनंदु आजू हा २६ वर्षीय IT Engineer लहानपणी घरच्यांमुळे आरएसएसच्या शाखेत जात होता. त्याच्या वडिलांनीच त्याला शाखेत पाठवल्याचं कळतय. तिथे त्याचा शेजारी असणाऱ्या एनएम नावाच्या व्यक्तीने त्याचं लैगींक शोषण केलं. हा एनएम सध्या भाजपचा एक्टीव कार्यकर्ता असल्याचं त्याने व्हिडिओत सांगितलं. आनंदुच्या कुटुंबियांशी सुद्धा त्याचे चांगले संबंध होते. तो ही गोष्ट घरच्यांनाही सांगू शकला नाही. त्याच्या लहानपणी झालेल्या या लैगींक शोषणामुळे त्याला अनेक मानसिक आजारांचा सामना करावा लागला. त्यामध्ये डिप्रेशन आणि सिओडी म्हणजेच ऑब्सेसीव्हि कम्पल्सिव डिसॉर्डर हे होते. त्याने सांगितलं की इतरही अनेक संघाच्या सदस्यांकडून त्याचा लैंगीक झळ झाला पण त्यांची नावं त्याला आठवत नाहीत. पण अगदी शिबीरांमध्ये सुद्धा या घटना झाल्या. त्याने सर्वांना सल्ला दिला की संघापासून लांब रहा. अगदी घरचे असतील तरीही. त्याच्या म्हणण्यानुसार अशा घटना इतरही अनेकांसोबत घडल्या आहेत. वडिलांनाही मुलांसोबत वेळ घालवत जा असा सल्ला त्याने दिला आहे. थिरुवअनंतपुरम मधिल थंतापूर भागात एका लॉजवर त्याचा मृतदेह आढळून आला. त्याच्या या व्हिडिओमुले अनेक राजकीय पक्षांनी देखील या प्रकरणाची चौकशी करण्याची मागणी केली आहे. दरम्यान या पोस्टमध्ये तो म्हटला की आरएसएसकडून आयुष्यभराच्या वेदना मिळाल्या. मी कुणावरही नाराज नाही, फक्त एक व्यक्ती आणि संघटनेवर नाराजी आहे. एनएम हा RSS चा सक्रीय सदस्य होता आणि तो सतत लैंगिक शोषण करत होता. कॅम्पमध्ये लैंगिक शोषण करताना त्यानं काठीनं मारहाणही केली. आरएसएससारख्या दुसऱ्या कोणत्या संस्थेबाबत इतका द्वेष नाही. आरएसएसवाल्यांसोबत मैत्री करू नका, वडील, भाऊ किंवा मुलगा जरी असले तरी दूर ठेवा. कँपमध्ये खूप शोषण होतं, बाहेर पडल्यानं मी बोलू शकलो. पुरावे नाही म्हणून कोणी मान्य करणार नाही पण माझं आयुष्यच पुरावा आहे. Sangram Jagtap Statment : हिंदुत्ववादी बनलेले संग्राम जगताप Ajit Pawar यांच्या नोटीसीला जुमानतील का?

Bollywood Crime

Nagraj Manjule Jhund Actor Murder : शेवट एवढा भयानक का झाला?

October 14, 2025October 14, 2025Maharashtra KattaComment(0)

लहान वयातच गुन्हेगारीत शिरलेला बाबू नावाचा पोरगा. त्याच्यावर अनेक केसेस असूनही Nagraj Manjule त्यांच्या Jhund चित्रपटात काम करण्याची संधी दिली. आधिचं जब्याला, परशाला, आर्चीला ह्या मोठ्या पडद्यावर घेऊन आलेले नागराज अण्णा या बाबूलाही संधी देतात. पण पुन्हा त्याच गुन्हेगारी प्रवृत्तीचा आणि व्यसनांचा पिच्छा न सोडलेल्या बाबू छत्री उर्फ प्रियांशु क्षत्रीय याचा त्याच्याच मित्राने चाकू आणि दडगाने ठेचून खून केला. नागराज मंजुळे – झोपडपट्टीतून उगवलेले तारे आयुष्य संधि देतं. त्या संधिचं सोनं करायचं की माती. हा ज्याचा त्याचा प्रश्न. किंवा काही जण म्हणतात तसं हे ज्याचं त्याचं नशिब. हिरोचे फॅन अनेक असतात. पण महाराष्ट्रात एक असा डायरेक्टर आहे. ज्याचं नाव वाचून लोकं चित्रपट पहायला जातात. त्याच्या चित्रपटांनी प्रेक्षकांवर जादू केलेली आहे. त्यांच्या अनेक गोष्टींपैकी एक महत्वाची गोष्ट सगळ्यांना आश्चर्यचकित करते. ती म्हणजे कलाकार निवडतानाची पद्धत. फक्त कुठल्यातरी पिच्चरमध्ये या आधि काम केलयं म्हणून नाही तर चित्रपटातील एखाद्या पात्राला न्याय देऊ शकेल अशी माणसं नागराज शोधून आणतो. फाटकं आयुष्य जगलेल्या नागराच्या चित्रपटातील पात्रही तशीच गरीब, वंचीत, झोपडपट्टीत राहणारी. “झुंड” – अमिताभ बच्चनसोबत झोपडपट्टीतील पोरं त्यामुळे त्याला जब्या कुठं मिळाला? करमाळ्यात एका गावात नागराज मंजुळेचा सत्कार होत होता तेव्हा हलगी वाजवताना दिसलेलं पोगरं त्याने घेतलं आणि त्याला पिच्चरचा हिरो बनवला. असा ओरीजनल रंगाने काळा असलेला हिरो कुणी अजुन पाहिलाच नव्हता. फॅंन्ड्री हा सिनेमा त्याच्या आयुष्यातली आजवरची सगळ्यात छान कलाकृती ठरली. अनेक पुरस्कार त्याला मिळाले. तोच पॅटर्न त्याने सैराटमध्ये वापरला. वास्तव डोळ्यासमोर ठेवणारा सैराट हा मराठी चित्रपटसृष्टीतील मैलाचा दगड ठरला. गावातून आलेल्या परशाला, आर्चिला लोकांनी डोक्यावर घेतलं. नंतर योग आला Amitabh Bachchan सोबत काम करण्याचा पण स्टोरी आपली झोपडपट्टीतल्या पोरांचीच. नागपुरच्या झोपडपट्टी भागात राहणारी पोरं यामध्ये घेण्यात आली. त्यातलाच एक प्रियांशु क्षत्रीय म्हणजेच बाबू छत्री. गुन्हेगारीतून पडद्यावरचा प्रवास ज्याने Jhund पाहिला असेल त्याला माहीतीये की हा सिनेमा एक बायोग्राफी होता. ज्यांच्या आयुष्यावर बनला त्या व्यक्तीने नागपूरच्या झोपडपट्टी भागात राहणाऱ्या पोरांना एकत्र करुन त्यांना स्पोर्ट्सच्या माध्यमातून जगण्याचा चांगला पर्याय निवडण्याची संधि दिली होती. यावेळी खऱ्या आयुष्यात स्वतःवर ५ गुन्हेगारी केसेसे असलेला एक तरुण नागराजच्या टिमच्या हाताला लागला. ज्याला पिच्चरमध्ये काम करण्याचा विचार स्वप्नातही येणार नाही अशा बाबू छत्रीला घेतलं गेलं. त्याला वाटत होतं की मला घेऊन जातील आणि किडण्या विकतील. पण शुटींग संपली. पिच्चर रिलिज झाला आणि मुख्य कलाकारांसोबत हा बाबू सुद्धा तेवढाच गाजला. एबीपी माझाच्या माझा कट्टा या कार्यक्रमात राजीव खांडेकर यांनी या बाबूला विचारलं. आयुष्यात काय करायचं होतं. तेव्हा हा म्हणाला. मेरे को तो डॉन बननेका था. आता काय काम करणार विचारल्यावर तो म्हणाला. जे काही भेटेल ते काम करेल. फक्त एक्टींगच नाही. सगळ्यांनी या गोष्टीचं कौतूक केलं. आणि सिनेमाप्रमाने खऱ्या आयुष्यातही कोणीतरी या गुन्हेगारीच्या आणि व्यसनांच्या दृष्टचक्रातून बाहेर पडलं. याचा आनंद अनेकांना होता. पण शेवटी तो प्रसंग फक्त सिनेमापुरताच खरा ठरला. पुन्हा गुन्हेगारी आणि व्यसनांच्या जाळ्यात Jhund सिनेमा हिट झाल्यानंतरही हा प्रसिद्धी मिळालेला बाबू काही गुन्हेगारी आणि व्यसनांपासून दूर गेला नाही. त्याला एकदा मोबाईल्स चोरीमध्ये अटक झाली होती. त्याच्यावर एकून १५ गुन्हे दाखल असल्याचं सांगण्यात येतय. त्याचा मित्र साहू आणि तो रात्री घराबाहेर पडला एका ठिकाणी त्यांनी पार्टी केली. दारूच्या नशेत दोघांचं कशावरुन तरी भांडण सरु झालं. बाबू छत्रीने त्याच्याकडचा चाकू काढून त्याच्या मित्रावर उगारला. त्याने तो वार हुकवत बाबूच्याच हातातला चाकू हिसकावला आणि बाबू छत्रीचा म्हणजेच प्रियांशू क्षत्रीय याचा गळाच चिरला. तेवढ्यानेही तो मेला नाही म्हणून त्याला दगडाने ठेचून मारला. आणि तिथून पळाला. पोलीसांना घटनेची माहीती मिळताच आरोपीला ६ तासाच्या आत अटक केली. वाचा अजून संबंधित बातम्या- Kerala IT professional found dead; सोशल मिडीयावर पोस्ट करत आयटी इंजीनीअरची माहीती. RSS वर गंभिर आरोप

political news political news आजच्या बातम्या

Sudhir Mungantiwar News : Devendra Fadnavis साठी कुणाकुणाचा राजकीय बळी?

October 14, 2025October 14, 2025Maharashtra KattaComment(0)

Devendra Fadnavis शी वाकडं म्हणजे मसनात लाकडं. एकदम परफेक्ट मॅच होत नाही म्हणा. पण भाजप म्हणजे सबकुछ Devendra Fadnavis. हे तर सगळ्यांना माहीतचं आहे. सध्या भाजपमधला एक नावं असंच अज्ञातवासात टाकलं जाातयं. त्याचं नाव आहे Sudhir Mungantiwar. काही महिन्यांपुर्वी भाजपाचा एक आमदार कार्यक्रम आयोजित करतो, या कार्यक्रमात काँग्रेसच्या विजय वडेट्टीवार यांना कार्यक्रम अध्यक्षांचा सन्मान दिला जातो. तर भाजपचे ज्येष्ठ नेते म्हणून ओळख असणाऱ्या Sudhir Mungantiwar यांचं निमंत्रण पत्रिकेत सगळ्यात शेवटी नाव असतं. आणि मंग सुरू होतं ते कार्यक्रमाच राजकारण. तर हे राजकारण अखेर येऊन ठेपतं ते सुधीर मुनगंटीवार यांच्या भोवती. चंद्रपूरचे सुपुत्र आणि महाराष्ट्राचे दुसरे मुख्यमंत्री कर्मवीर कन्नमवार यांच्या शतकोत्तर रौप्यमहोत्सव सोहळ्या दरम्यानची ही घटना. पण प्रश्न फक्त एका कार्यक्रमाचा नाहीये तर मागील अनेक वेळा मुनगंटीवारांना डावललं गेल्याचं पहायला मिळालंय म्हणूनच खरंच सुधीर मुनगंटीवार यांना डावललं का ? डावललं तर कोणी डावललं. जोरगेवारांनी कि भाजपने की फडणवीसांनी. पण प्रश्न हा फक्त एका कार्यक्रमाचा नाहीये, लोकसभेवेळी Sudhir Mungantiwar नी त्यांची लोकसभा निवडणूक लढवण्याची इच्छा नसल्याचं स्पष्ट केलं होतं. तरी सुद्धा पक्षाने त्यांना लोकसभा निवडणुकीचे तिकीट दिलं, त्यावेळी Sudhir Mungantiwar राज्यात कोणाला नकोसे झाले आहेत? अशा चर्चा देखील रंगल्या होत्या. तर त्यानंतर आलेल्या विधानसभेच्या निवडणुकांमध्ये देखील मुनगंटीवार यांना भाजपाकडून तिकीट मिळेल का नाही यावर साशंकता व्यक्त केली जात होती. अश्यातच मुंडेंना तिकीट मिळालं ते विजयी देखील झाले मात्र भाजपचे ज्येष्ठ नेते असून देखील त्यांना मंत्रिमंडळात स्थान मिळालं नाही. आणि आता हा कार्यक्रम. त्यामुळे भाजपा कुठेतरी सुधीर मुनगंटीवार यांना संपवू पाहतेय अशा चर्चा देखील जोर धरत आहेत मात्र याचं काय कारण असू शकत ते पाहूया. सुधीर मुनगंटीवार हे भाजपचाच भाग असून देखील अनेकदा त्यांनी कोणत्याही घटनेवर स्पष्टपणे भूमिका मांडली आहे तर त्यांच्या या भूमिकांमुळे भाजपा पक्षाला किंवा भाजपच्या नेतृत्वावर त्याचा विपरीत परिणाम हॊईल का नाही याचा देखील विचार करत नव्हते. खास करून 2019 मध्ये भाजपा-सेना युती तुटल्यानंतर सुधीर मुनगंटीवार यांनी स्पष्टपणे या बाबत नाराजी व्यक्त केली होती. आणि सुधीर मुनगंटीवार यांचा हाच स्पष्ट वक्तेपणा भाजपला अडचणीत आणू शकतो म्हणून पक्षाकडून येथूनच त्यांना दुय्यम वागणूक देण्यास सुरुवात झाली असं बोललं जात. दरम्यानच्या काही काळात Sudhir Mungantiwar हे सक्रिय राजकारणातून बाहेर असल्याच पाहायला मिळालं. तर मागील महायुती सरकारमध्ये देखील त्यांना मंत्रिमंडळात कोणतेही महत्त्वाचं मंत्रिपद देण्यात आल नव्हत. आणि लोकसभेला झालेल्या पराभवानंतर Sudhir Mungantiwar हे अजूनच राज्याच्या राजकारणातून बाहेर पडत गेले आणि हे सगळं भाजपाकडून जाणीवपूर्वक केलं गेलं, ज्या मागे हेतू एकच होता तो म्हणजे सुधीर मुनगंटीवार यांचा राजकारणातील हस्तक्षेप कमी करणे. एकंदरीत काय तर महाराष्ट्रात Devendra Fadnavis ना कुणीही पर्याय झालेला खुद्द त्यांना किंवा कदाचीत दिल्लीतल्या भाजप नेत्यांनाही चालत नाहीये. यासाठी विनोद तावडेंना केंद्रात पाठवण्यात आलं. या विधानसभेच्या आदल्या दिवशी त्यांना पैशासहित पकडल्याच्या बातम्यांनी त्यांची महाराष्ट्रातली घरवापसीही कायमची रद्द झाली. पंकजा मुंडे इतक्या दिवस शांत बसुन कमबॅक करण्याची वाट पाहत होत्या. त्यात विधानसभेतील पराभव, लोकसभेतील पराभव तरीही मंत्रीमंडळातील संधी यामुळे बॅकफुटवर गेलेल्या मंत्रीमंडळातील संधीमुळे थोड्या स्थिरस्थावर झाल्या. मात्र फडणवीसांना शह देतील अशी परिस्थिती त्यांची सध्यातरी नाहीये. यानंतर येतं सर्वांना माहीत असलेलं एकनाथ खडसेंच नाव. भावी मुख्यमंत्री म्हणून बघीतलं गेलेल्या या नेत्याचा अक्षरशः बाजार उठवला गेला. जेवढी हेळसांड विरोधी पक्षात असताना झाली नव्हती तेवढी भाजप सत्तेत आल्यापासून झाली. कारण एकचं देवेंद्र फडणवीस. वाचा अजून संबंधित बातम्या-Narendra Modi यांच्या हातून सत्ता जाण्याचे संकेत : Chandrababu Naydu यांच्या नावाची चर्चा

आजच्या बातम्या महाराष्ट्र

OBC च्या १६ टक्के आरक्षणवाढीचा १९९४ चा GR काय आहे?

October 13, 2025October 13, 2025Maharashtra KattaComment(0)

Manoj Jarange Patil यांच्या आंदोलननांतर काढलेल्या हैदराबाद गॅझेटच्या जीआरवर अनेकजण शंका उपस्थित करत आहेत. छगन भुजबळ याविरोधात कोर्टातही जाणार आहेत. यावरच प्रतिक्रिया देताना जरांगे पाटलांनी एक वक्तव्य केलं. ते म्हणाले की, “मराठा आरक्षणाच्या विरोधात गेलात, तर OBC आरक्षणात १९९४ साली घुसखोरी केलेल्या १६ टक्केवाल्यांच्या विरोधात आम्ही जाऊ. सन १९७९ मध्ये मोरारजी देसाई सरकारच्या काळात बी.पी. मंडल यांच्या अध्यक्षतेखाली आयोगाची स्थापना झाली. त्यालाच मंडल आयोग म्हणतात. १९८० साली या आयोगाने दिलेल्या अहवालात देशात ३ हजार ७४३ जाती ओबींसींमध्ये असल्याचा आणि त्यांचं लोकसंख्येतली प्रमाण हे ५२ टक्के असल्याचा अहवाल दिला. ज्यामध्ये या इतर मागास वर्ग घटकाला २७ टक्के आरक्षण द्यावे ही शिफारस केली. १९८० ते १९९० या दहा वर्षात कॉंग्रेस सरकारने या शिफारसी लागू करण्यास टाळाटाळ केली. परंतु १९९० साली सत्तेवर आलेल्या जनता दलाचे पंतप्रधान व्ही.पी.सिंह आयोगाची अंमलबजावणी केली. खुल्या प्रवर्गातील विद्यार्थांनी याला विरोध केला. मात्र हळूहळू सर्वांचा विरोध मावळला. शेवटी सर्वोच्च न्यायालयानेही ओबीसी आरक्षणावर मोहोर लावली. देशातीली सर्व राज्यांना मंडल आयोगाच्या शिफारशींची अंमलबजावणी करण्याचे आदेश केंद्राने दिले. महाराष्ट्र हे पहिले राज्य होते ज्याने मंडळ आयोगाच्या शिफारशींची अंमलबजावणी केली. आता येऊया २३ मार्च १९९४ रोजी महाराष्ट्र शासनाच्या सामान्य प्रशासनाने काढलेल्या जीआर वर. त्यावेळी मुख्यमंत्री होते Sharad Pawar. या GR मध्ये राज्यात असलेलं एकूण ३४ टक्के आरक्षण १६ टक्क्याने वाढवण्यात आल्याचा निर्णय होता. यामुळे राज्यात असलेल्या ५० टक्के आरक्षणाची मर्यादा पुर्ण झाली. आता टिकणारं आरक्षण मराठा समजाला द्यायचं असेल तर घटनादुरुस्ती करावी लागेल. त्यामुळे अनेकजण तत्कालिन मुख्यमंत्री शरद पवारांवर मराठा समाजाचा विचार न करता त्यांनी आरक्षण १६ टक्क्यांनी वाढवलं अशी टिका करतात. भाजपही Sharad Pawar, वर टिका करताना याचाच आधार घेतं. “पण प्रत्यक्षात पवारांनी २७ टक्के असणाऱ्या मंडल आयोगाच्या शिफारसीची अंमलबजावणी केली आहे. त्यांच्या हातात अंमलबजावणी करण्याशिवाय दुसरा पर्याय नव्हता” असं मत Chhagan Bhujbal यांनी एका मुलाखतीत मांडलं. आता हा GR लागू होण्यापुर्वी राज्यात असणारं आरक्षण किती होतं? आणि नंतर किती झालं? यावर एक नजर टाकूया. २३ मार्च १९९४ चा हा जीआर लागू होण्यापुर्वी राज्यात अनुसुचीत जाती म्हणजे एससीसाठी होतं. 13 टक्के आरक्षण. अनुसुचीत जमाती म्हणजे एसटीसाठी होतं ७ टक्के आरक्षण. विमुक्त जाती आणि भटक्या जमातींना होतं ४ टक्के आरक्षण आणि इतर मागास वर्ग म्हणजेचं ओबीसींना होतं १० टक्के आरक्षण. म्हणजेचं एकूण ३४ टक्के. हा २३ मार्च १९९४ चा GR लागू झाल्यानंतर एससी आणि एसटीचं असणारं १३ आणि ७ टक्के आरक्षण तसचं राहिलं. पण भटक्या विमुक्त जाती-जमाती आणि ओबीसी यांचं मिळून असणारं १४ टक्के आरक्षण वाढून झालं ३० टक्के. म्हणजेच १६ टक्के आरक्षणात वाढ करण्यात आली. यामुळेच एकूण ३४ टक्के असणारं आरक्षण आता झालं ५० टक्के. मनोज जरांगे पाटील यांच्यामते १९९४ सालच्या या वाढलेल्या जीआर मुळेच मराठ्यांवर अन्याय झाला. तथापी त्यांनी भाजप किंवा इतरांसारखी शरद पवारांवर टिका नाही केली. पण जर कोणी मराठा आरक्षणाच्या विरोधात कोर्टात गेलं तर ह्या ओबीसी आरक्षणात वाढवलेल्या १६ टक्के आरक्षणाच्या विरोधात कोर्टात जाण्याच्या इशारा त्यांनी दिला. दरम्यान मध्यंतरी राष्ट्रवादी कॉंग्रेस पार्टी शरदचंद्र पवार पक्षाने राज्यात मंडल यात्रा काढल्याने सर्वांच्या भुवया उंचावल्या होत्या. भाजपचा डीएनए हा ओबसी आहे असं सांगणाऱ्या भाजपला किंबहुना त्याच्या ओबीसी वोटरला चुचकारण्याचा प्रयत्न यावेळी शरद पवारांनी केला होता. या यात्रेत त्यांनी कशाप्रकारे मंडल आयोगाच्या शिफारसी महाराष्ट्रात लागू केल्या. आणि ओबसींना एकूण ३० टक्के आरक्षण मिळवून दिल्याने त्यांना शिक्षणात आणि नोकरीत कसा फायदा झाला हे सांगण्याचा प्रयत्न केला. सोबतच जेव्हा मंडळ आयोगासाठी आंदोलन होत होतं त्याच्या विरोधात भाजप कमंडल यात्रा काढत होतं. आणि OBC आरक्षण तसेच मंडळ आयोगाला विरोध करत होतं. हे ही सांगण्याचा प्रयत्न त्यांनी या यात्रेतुन केला होता. मराठा आरक्षणाच्या मुंबई आंदोलनात यावेळी त्यांच्या या मंडल यात्रेवरही सोशल मिडियावर टिका होताना पहायला मिळाली. कारण होतं त्यांच्या मुख्यंमंत्रीपदाच्या कार्यकाळात निघालेला हा OBC च्या १६ टक्के आरक्षण वाढीचा जीआर. Maharashtra Flood Relief : ३१ हजार कोटींची मदत ; पण पदरात पडणार किती? ___

Prashant Kishor on Raj Thackeray Commentary, Uddhav Thackeray

Trending आजच्या बातम्या

Prashant Kishor on Raj Thackeray टीका, उद्धव ठाकरेंची स्तुती

October 13, 2025October 13, 2025Maharashtra KattaComment(0)

महाराष्ट्राच्या राजकाणातला अविभाज्य घटक म्हणून राज ठाकरे किंवा ठाकरे बंधुंकडे पाहिलं जात. परप्रांतियांच्या विषयात रोकठोक आणि आक्रमक भुमिका घेणाऱ्या Raj Thackeray वर आणि उद्धव ठाकरे यांच्या संदर्भात Prashant Kishor यांनी एक वक्तव्य केलं आहे. देशातील सर्वात मोठे राजकीय रणणीतीकार म्हणून ज्या प्रशांत किशोर यांच्याकडे पाहिलं जातं. Raj Thackeray यांच्यावर दोन आरोप सतत होतात. पहिला म्हणजे त्यांना स्वतःचे दोन आमदारही निवडून आणता येत नाहीत. दुसरा म्हणजे ते सतत आपली भुमिका बदलत असतात. यातल्या पहिल्या आरोपावर येऊयात. जरी हे खरं असलं की २०१९ मध्ये मनसेचा १ आमदार आणि २०२४ मध्ये शुन्य आमदार निवडून आले. तरिही राज ठाकरेंची महाराष्ट्राच्या आणि विशेषकरुन शहरी भागाच्या राजकारणावर पकड असल्याचं आणि त्यांच्यामुळे राजकीय गणितं बदलतात हे राजकिय जाणकारांना चांगल माहीत आहे. Raj Thackeray फक्त मिडियासाठीचा मुद्धा नसुन महाराष्ट्रातल्या एका मोठ्या लोकसंख्येचा आवाज आहे हे कुणीही नाकारू शकत नाही. दुसरा विषय येतो की ते नेहमी भुमिका बदलतात. राज ठाकरेंच याच्यावर अनेकवेळा स्पष्टिकरण आलेलं असलं किंवा त्यांच त्याच्यावर काहीही म्हणणं असलं तरी महाराष्ट्राच्या राजकारणात असा कोणताच पक्ष शिल्लक राहिलेला नाही ज्याने आपल्या विरोधी विचार असणाऱ्या पक्षासोबत युत्या आघाड्या केल्या नाहीत. भाजप अजित दादांसोबत जाऊ शकतं, कॉंग्रेस Raj Thackeray सोबत जाऊ शकतं. तरिही त्यांना मतात काही फरक पडत नसेल तर महाराष्ट्र हितासाठी म्हणून राज ठाकरे भाजपसोबत गेले काय किंवा राष्ट्रवादी सोबत गेले काय. याचा परिणाम त्यांच्या एकूण राजकारणावर पडता कामा नये. पण हा विषय आपण आत्ता का बोलत आहोत तर बिहारच्या निवडणूका डोळ्यासमोर ठेऊन एका हिंदी वाहिणीनीला मुलाखत देताना प्रशांत किशोर यांनी राज ठाकरेंचं नाव घेत त्यांना लंपन इलेमेंट असल्याचं म्हटलं आहे. या वक्तव्याचा अर्थ आपण समजून घेऊयात. लंपन इलेमेंट म्हणजेच जास्त महत्वाचा नसलेला घटक. प्रशांत किशोर राजकीय रणणीनीतीकार ज्यांनी २०१४ मध्ये नरेंद्र मोदींचं पॉलीटीकल कॅंम्पेन केलं. पंजाब मध्ये कॉंग्रेसचा मुख्यमंत्री बनवण्याचं काम केलं. ममता बॅनर्जीचं कॅंम्पेन पश्चिम बंगाल मध्ये केला. एका निवडणूकीत उद्धव ठाकरेंसोबतही काम केलं. तमिळनाडूच्या स्टलीनसाठी सुद्धा पॉलीटीकल कॅम्पेनींग सांभाळलं. भारताच्या राजकारणाला आपल्या पॉलीटीकल मार्केटिंग किंवा ज्याला कॅंम्पेन म्हणतात त्याच्या जोरावर दिशा देण्याचं काम केलं. त्यांना राज ठाकरेंचा एवढा राग कशामुळे? तर सध्या ते स्वतःच निवडणूकीच्या रिंगणात उतरले आहेत. आणि एक पार्टी काढून बिहारच्या राजकारणात स्वतःचं नशिब आजमावत आहेत. याच जनस्वराजचा प्रचार करण्यासाठी किंवा त्याच्याविषयी बोलण्यासाठी त्यांनी एका हिंदी चॅनलला मुलाखत दिली. त्यामध्ये महिला पत्रकाराने त्यांना बिहारी लोकांवर महाराष्ट्रात अन्याय होतो. राज ठाकरे, उद्धव ठाकरे याच्यावर बोलतात. असं सांगत त्यांच्याविषयी तुम्ही काय म्हणाल हा प्रश्न विचारला. त्याला उत्तर देताना प्रशांत किशोर यांनी म्हटलं. “राज ठाकरे हे लंपन इलेमेंट आहे. तिथे महानगरपालिकेची निडणूक आहे. आणि उद्धव ठाकरे यांच्यासाठी मी काम केलेलं आहे. त्यावेळी बिहारी लोकांवर हल्ले करु नका हिच माझी फी असेल असं त्यांना सांगितलं होतं. त्यामुळे Raj Thackeray च्या शिवसेनेने २०१९ नंतर बिहारी लोकांवर एकही हल्ला केल्याचं उदाहरण दाखवा” असं त्यांनी ठाम पणाने सांगितलं. मुळात काय तर आपलं राजकारण चमकवण्यासाठी बिहारच्या निवडणूका डोळ्यासमोर ठेऊन प्रशांत किशोर हे महाराष्ट्रातील नेत्यांवर बोलत आहेत. किंवा मी उद्धव ठाकरेंना सांगून कसं उत्तरेतल्या लोकांवर होणारे हल्ले थांबवले हे सांगण्याचा प्रयत्न करत आहेत. स्वतःचं राजकारण चमकवताना ज्यांनी अजुन स्वतःचा एकही आमदार निवडून आणलेला नाही. त्या प्रशांत किशोर यांनी महाराष्ट्रातल्या एका अशा नेत्याला नावं ठेवणं म्हणजे स्वतःची उंची वाढवण्यासाठी दुसऱ्याला कमी लेखण्यासारखं काम आहे. त्यांनी अनेकांना राजकीय यश मिळवून देण्यासाठी कॅंम्पेनींगच काम केलेलं असलं तरीही स्वतः लोकात जाऊन निवडणूका लढणं वेगळी गोष्ट आहे. महाराष्ट्रातील अनेक नेत्यांना राजकीय यश मिळालेलं नसलं तरीही हा चळवळींचा महाराष्ट्र आहे. इथे प्रत्येकजण आपला विचार घेऊन पुढे येत असतो. आणि त्याचा धोरणांवर परिणाम झालेला आहे. राज ठाकरेंच्या माध्यमातून मराठीच्या हितासाठी लढण्याची चळवळ ही सुद्धा त्याचाच एक भाग आहे. आणि महाराष्ट्रातील लोकांना त्याची जाणीवही आहे. हेच त्यांनी समजून घ्यायला हवं. Farmers Income Tax : महाराष्ट्रातला शेतकरी किती टॅक्स भरतो? बघा पूर्णच गणित…

India Pune आजच्या बातम्या

Pune Metro News : पुण्याची वाहतुक कोंडी सोडवणार पुणे मेट्रो

October 13, 2025October 13, 2025Maharashtra KattaComment(0)

Pune Metro News : पुण्याची वाहतुक कोंडी सोडवणार पुणे मेट्रोतुळशीबागेत फिरायला जाणारा पुणेकर आता सहज फेरफटका मारायला पुण्याच्या मेट्रोत जाऊ लागलाय. पण अजुनही फिरायच्या ठिकाणी किंवा त्याच्या कामावर त्याला मेट्रोने काही पोहचता येईना. त्यामुळे आता सगळेजण पुण्याच्या हा भागात असती ना Metro . तिथे असती ना Metro . असं बोलायला लागले आहेत. आपल्याला माहीतीये स्वारगेट वरुन निघालेली Metro थेट सरळ जाती पीसीएमसी पर्यंत आणि वनाज वरुन निघालेली मेट्रो थेट सरळ जाती रामवाडी पर्यंत मधी एकदा जिल्हा न्यायालय म्हणेजेच सिव्हिल कोर्टला एकमेकांना ह्या दोन लाईनी भेटतात. तुम्हाला हा भाग सोडून पुण्याच्या अनेक भागात मेट्रोचं काम सुरु असल्याचं दिसत आसल पण ती लाईन कोणती आणि त्याचं काम पुर्ण कधी होणार यासाठीच आपण दोन टप्यात या विस्तारीत मेट्रो प्रक्लपाची माहीती घेऊयात. पहिल म्हणजे पुढच्या तीन वर्षात कुठवर्यंत मेट्रो पोहचेल आणि नंतर ५ वर्षात कुठं पोहचेल ते ही पाहुयात. सगळ्यात महत्वाची मेट्रो लाईन म्हणजे हिंजवडी ते शिवाजीनगर याला लाईन-३ म्हटलं गेलय. मार्च २०२६ मध्ये ही लाईन सुरु होईल. २३ किलोमीटरची ही लाईन आहे आणि २३ स्टेशन यामद्ये आहेत. आयटीपार्कमध्ये काम करणार्यांसाठी आणि तिथुन लांबच्या अंतरावर राहणाऱ्यांसाठी ही खुप महत्वाची लाईन आहे. हिंजवडी आयटीपार्कची वाहतुक कोंडी फोडण्यासाठी याची खुप मदत होणार आहे. याच काम ९० टक्क्यापेक्षा जास्त पुर्ण झालेलं आहे. फक्त ट्रायल सुरु आहेत. यातले सर्व स्टेशन हे पुढच्या ३ वर्षात म्हणजे २०२८ पर्यंत पुर्णपणे सुरु झालेले असतील. तिकडे पीसीएमसी पर्यंत सरु असलेली Metro पुढे चार स्टेशन जाऊन चिंचवड, आकुर्डी, निगडी ते भक्ती-शक्तीपर्यंत जाईल. २०२८ पर्यंतच वनाज पासून ते चांदणी चौकापर्यंत मेट्रोचा विस्तार झालेला असेल. आणि त्याच्या दुसऱ्या टोकाला रामवाडीपासून ते वाघोली आणि विठ्ठलवाडीपर्यंत ही मेट्रो पोहचलेली असेल. यावर्षी जून मध्येच याला मंजूरी आणि निधीची पुर्तता करण्यात आली आहे. आता पाहुया २०३० पर्यंत सुरु होणाऱ्या मेट्रोलाईन. लाईन-१ म्हणजे PMC ते Swarget याचच एस्कटेंशन म्हणजेच वाढीव भाग म्हणून स्वारगेट ते कात्रज हा कॉरीडॉर २०२९ पर्यंत पुर्ण होणार आहे. ५.४६ किलोमीटर अंतरात ३ ते ५ मेट्रोस्टेशन असणार आहेत. हे सर्व मेट्रोस्टेशन्स अंडरग्राऊंडच असतील. आता आणखीन एक मार्ग २०३० पर्यंत पुर्ण होऊ शकतो ज्याला राज्य सरकारनेतर मंजूरी दिली आहे. त्याचा डीपीआर सुद्धा तयार आहे फक्त केंद्र सरकारची मंजुरी आणि निधी मिळणं बाकी आहे. तो आहे खडकवासला ते हडपसर आणि खराडी बायपास हा मार्ग यामद्ये खडकवासला, नांदेड सिटी, धायरी फाटा, राजाराम पूल, दांडेकर पुल, स्वारगेट,रामटेकडी, हडपसर, मगरपट्टा, खराडी बायपास असा मार्ग जो पुन्हा आत्ताच्या मेट्रो लाईनला जोडला जाईल. तुळशीबागेत फिरायला जाणारा पुणेकर आता सहज फेरफटका मारायला पुण्याच्या मेट्रोत जाऊ लागलाय. पण अजुनही फिरायच्या ठिकाणी किंवा त्याच्या कामावर त्याला मेट्रोने काही पोहचता येईना. त्यामुळे आता सगळेजण पुण्याच्या हा भागात असती ना मेट्रो. तिथे असती ना Metro . असं बोलायला लागले आहेत. आयटी हब असणाऱ्या Pune ची वाहतुक कोंडी ही पुणे मेट्रो सोडवेल का? तुमच्या या प्रश्नाचं उत्तरही आपण यामध्ये समजून घेणार आहोत. नमस्कार मी दिनेश आणि तुम्ही पाहताय महाराष्ट्र कट्टा. सगळ्यात महत्वाची मेट्रो लाईन म्हणजे हिंजवडी ते शिवाजीनगर याला लाईन-३ म्हटलं गेलय. मार्च २०२६ मध्ये ही लाईन सुरु होईल. २३ किलोमीटरची ही लाईन आहे आणि २३ स्टेशन यामद्ये आहेत. आयटीपार्कमध्ये काम करणार्यांसाठी आणि तिथुन लांबच्या अंतरावर राहणाऱ्यांसाठी ही खुप महत्वाची लाईन आहे. हिंजवडी आयटीपार्कची वाहतुक कोंडी फोडण्यासाठी याची खुप मदत होणार आहे. याच काम ९० टक्क्यापेक्षा जास्त पुर्ण झालेलं आहे. फक्त ट्रायल सुरु आहेत. यातले सर्व स्टेशन हे पुढच्या ३ वर्षात म्हणजे २०२८ पर्यंत पुर्णपणे सुरु झालेले असतील. तिकडे PMC पर्यंत सरु असलेली Metro पुढे चार स्टेशन जाऊन चिंचवड, आकुर्डी, निगडी ते भक्ती-शक्तीपर्यंत जाईल. २०२८ पर्यंतच वनाज पासून ते चांदणी चौकापर्यंत मेट्रोचा विस्तार झालेला असेल. आणि त्याच्या दुसऱ्या टोकाला रामवाडीपासून ते वाघोली आणि विठ्ठलवाडीपर्यंत ही मेट्रो पोहचलेली असेल. यावर्षी जून मध्येच याला मंजूरी आणि निधीची पुर्तता करण्यात आली आहे. आता पाहुया २०३० पर्यंत सुरु होणाऱ्या मेट्रोलाईन. लाईन-१ म्हणजे पीसीएमसी ते स्वारगेट याचच एस्कटेंशन म्हणजेच वाढीव भाग म्हणून स्वारगेट ते कात्रज हा कॉरीडॉर २०२९ पर्यंत पुर्ण होणार आहे. ५.४६ किलोमीटर अंतरात ३ ते ५ मेट्रोस्टेशन असणार आहेत. हे सर्व मेट्रोस्टेशन्स अंडरग्राऊंडच असतील. आता आणखीन एक मार्ग २०३० पर्यंत पुर्ण होऊ शकतो ज्याला राज्य सरकारनेतर मंजूरी दिली आहे. त्याचा डीपीआर सुद्धा तयार आहे फक्त केंद्र सरकारची मंजुरी आणि निधी मिळणं बाकी आहे. तो आहे खडकवासला ते हडपसर आणि खराडी बायपास हा मार्ग यामद्ये खडकवासला, नांदेड सिटी, धायरी फाटा, राजाराम पूल, दांडेकर पुल, स्वारगेट, रेस कोर्स, रामटेकडी, हडपसर, मगरपट्टा, खराडी बायपास असा मार्ग जो पुन्हा आत्ताच्या मेट्रो लाईनला जोडला जाईल. हे काम सुद्धा २०३० पर्यंत पुर्ण होण्याची शक्यता जास्त आहे. एकदा का फेज १ चे काम पुर्ण झाले मंग हे फेज २ चं काम सुरु होईल. या फेज २ ला आधिच्या मेट्रो लाईनसोबत आणखी एका ठिकाणी जोडंल जाईल ज्यामध्ये असणार आहे. नळ स्टॉप – कर्वेनगर – वारजे ब्रीज – दौलत नगर आणि माणिकबाग. मेट्रोचं महत्व लक्षात आल्यामुळे हडपसर ते लोणी काळभोर आणि हडपसर ते सासवड सोबतच पुण्याच्या देहू मध्ये आणि चाकण भागातही मेट्रोची मागणी जोर पकडत आहे. राजकीय नेते किंवा याच्यावर मत मांडणारे याच्यावर बोलत असले तरी जेव्हा याचे प्रस्ताव मंजूर होतील. त्यानंतरच याच्या कामाची आणि मार्गाची शाश्वती मिळू शकेल. पण येवढं नक्की. याच्यामुळे पुढच्या ५ ते दहा वर्षात पुण्याच्या वाहतुक व्यवस्थेला रुळावर आणण्यासाठी हे मेट्रोचं जाळं जे चांदणी चौकात, स्वारगेट मध्ये, पिंपरीचिंचवड, खराडी बायपास, नवले ब्रिज, हिंजवडी अशा शहराची हर्टबीट बंद करणार्या ठिकाणांना श्वास घ्यायला संधी देणार आहे. रामटेकडी, हडपसर, मगरपट्टा, खराडी बायपास असा मार्ग जो पुन्हा आत्ताच्या मेट्रो लाईनला जोडला जाईल. हे काम सुद्धा २०३० पर्यंत पुर्ण होण्याची शक्यता जास्त आहे. एकदा का फेज १ चे काम पुर्ण झाले मंग हे फेज २ चं काम सुरु होईल. या फेज २ ला आधिच्या Metro लाईनसोबत आणखी एका ठिकाणी जोडंल जाईल ज्यामध्ये असणार आहे. नळ स्टॉप – कर्वेनगर – वारजे ब्रीज – दौलत नगर आणि माणिकबाग. INDIA vs PAK WAR भारतीय सिमेवर पाकिस्तानच्या कुरापती वाढल्या; Operation Sindoor 2.0 होण्याची शक्यता

Author: Maharashtra Katta

Dhanteras 2025 Tips: या वस्तूंनी वाढवा धन, आरोग्य आणि भाग्य!

Nilesh Ghayval Case: रोहीत पवार विरुद्ध राम शिंदे संघर्ष

Goa पेटलं! भुमिपुत्र कार्यकर्त्यावर हल्ल्यानंतर रोष

RSS शिबिरात लैंगिक शोषण? IT Engineer तरुणाची आत्महत्या

Nagraj Manjule Jhund Actor Murder : शेवट एवढा भयानक का झाला?

Sudhir Mungantiwar News : Devendra Fadnavis साठी कुणाकुणाचा राजकीय बळी?

OBC च्या १६ टक्के आरक्षणवाढीचा १९९४ चा GR काय आहे?

Pune Metro News : पुण्याची वाहतुक कोंडी सोडवणार पुणे मेट्रो

Who We Are?

Latest Post