ST Extra Buses for Summer Rush: ७६४ अतिरिक्त फेऱ्या चालवली जातील

उन्हाळ्याच्या सुट्ट्यांचा हंगाम सुरू होताच, महाराष्ट्र राज्य परिवहन महामंडळ (ST ) ने १५ एप्रिल ते १५ जून २०२५ पर्यंत ७६४ अतिरिक्त बसगाड्यांची सोय केली आहे. या जादा फेऱ्यांचे नियोजन प्रवाशांच्या वाढलेल्या गर्दीच्या दृष्टीने करण्यात आले आहे, ज्यामुळे लोक आपल्या गावी, नातेवाईकांकडे, किंवा इतर ठिकाणी प्रवास करणार आहेत. सर्व जादा फेऱ्यांसाठी आगाऊ तिकिटे बुक करण्याची सुविधा उपलब्ध करून दिली आहे, ज्यामुळे प्रवाशांना आरामदायक आणि सोयीस्कर प्रवास अनुभवता येईल.

उन्हाळी हंगामात लांब पल्ल्याच्या बस गाड्यांची मागणी वाढते, म्हणून शालेय फेऱ्या रद्द करून लांब पल्ल्याच्या फेऱ्या सुरू करण्यात आल्या आहेत. एसटी कडून राज्यभरातील विविध मार्गांवर ७६४ अतिरिक्त फेऱ्यांचे आयोजन करण्यात आले आहे, ज्यामुळे दररोज २.५० लाख किमी अंतर पार करण्यात येईल.

प्रवाशांच्या सोयीसाठी या जादा फेऱ्या संगणकीय आरक्षणासाठी उपलब्ध करून दिल्या आहेत. एसटीच्या अधिकृत वेबसाईटवर (www.msrtc.maharashtra.gov.in) तसेच मोबाइल ॲपद्वारे तिकीट बुक करता येईल. याशिवाय, एसटी बसस्थानकांवरील आरक्षण केंद्रावरही आगाऊ तिकिटे बुक केली जाऊ शकतात.

एसटी महामंडळाने सर्व प्रवाशांना आग्रह केला आहे की, ते त्यांचा प्रवास आगाऊ नियोजित करून जादा वाहतूक सेवांचा लाभ घेतील.