Tuljapur Drug ड्रग प्रकरण सध्या मोठ्या चर्चेचा विषय बनला आहे. विशेषतः या प्रकरणात राजकीय कनेक्शन समोर आलं आहे. तुळजापूर आणि परंड्यातील आरोपींच्या साखळीचा विस्तार होत असताना, आता खासदार ओमराजे निंबाळकर यांच्या फोटोसह काही आरोपींचे फोटो सोशल मीडियावर व्हायरल झाले आहेत. यामुळे भाजप आणि महाविकास आघाडी एकमेकांवर आरोप करत आहेत. खासदार ओमराजे निंबाळकर यांनी तुळजापूर ड्रग प्रकरणी कठोर कारवाई करण्याची मागणी संसदीय अधिवेशनात केली होती. काँग्रेसचे जिल्हाध्यक्ष धीरज पाटील यांनी भाजपच्या कार्यकर्त्यांवर गंभीर आरोप केले आहेत. तुळजापूर शहरातील ड्रग्ज प्रकरणामुळे पोलीस यंत्रणा देखील सतर्क झाली आहे. या प्रकरणात आता 25 आरोपी असून, 14 जणांना अटक करण्यात आली आहे. तुळजापूर पोलिसांसमोर फरार आरोपींना पकडण्याचे मोठे आव्हान आहे. ड्रग्स तस्करी प्रकरणात काँग्रेस आणि भाजप यांच्यात आरोप प्रत्यारोप झाले आहेत. खासदार ओमराजे निंबाळकर यांनी स्पष्टपणे सांगितले की, संबंधित कार्यकर्त्यांवर कठोर कारवाई केली जावी. तुळजापूर सारख्या छोट्या शहरात ड्रग्सचा व्याप वाढल्यामुळे राज्यभरात चिंतेचे वातावरण आहे. तुळजापूरच्या ड्रग तस्करी प्रकरणात वेगवेगळ्या स्तरावर होणाऱ्या कारवाईनंतर, याच्या राजकीय कनेक्शनची माहिती समोर येत आहे.
